Mae sawl ffordd o ariannu grŵp cymunedol – os byddwch yn chwilio ar-lein, gallai’r syniadau a’r cyfleoedd eich llethu!
Dyma pam yr ydym yn dod â chyngor hanfodol, enghreifftiau perthnasol, a’r dolenni mwyaf defnyddiol ynghyd ar gyfer grwpiau cymunedol yng Nghymru sy’n gofalu ar ôl eu hamgylcheddau lleol.
Cyn i chi ddechrau codi arian, bydd angen i chi fod yn drefnus.
Bydd angen i’ch grŵp cymunedol gael cyfansoddiad – i ddisgrifio’r hyn yr ydych yn ei wneud a sut rydych yn ei wneud – ynghyd â Chadeirydd, Ysgrifennydd a Thrysorydd o leiaf.
Pam mae cyfansoddiad yn bwysig? Mae’n galluogi pobl a sefydliadau eraill, yn cynnwys noddwyr posibl, i ddeall eich nodau a’ch amcanion. Mae hefyd yn ofyniad wrth gael yswiriant atebolrwydd cyhoeddus ac wrth agor cyfrif banc.
Os hoffech wneud cais am grantiau, bydd angen cyfrif banc grŵp arnoch. Dyma’r math o gyfrif sydd ar gyfer grwpiau cymunedol a chymdeithasau yn benodol, yn hytrach nag unigolion.
Mae’n syniad da cael mwy nag un llofnodwr ar eich cyfrif (tri yn ddelfrydol) rhag ofn y bydd pobl yn gadael y grŵp neu’n mynd ar wyliau. Mae hefyd yn synhwyrol osgoi cardiau credyd a gorddrafft.
Y lle gorau i ddechrau yw Cyllido Cymru – y platfform newydd, wedi ei greu gan Cefnogi Trydydd Sector Cymru. Gallwch chwilio am gannoedd y gyfleoedd cyllid grant a benthyciadau o ffynonellau lleol, cenedlaethol a rhyngwladol.
Defnyddiwch yr offeryn chwilio isod i ddod o hyd i arian sydd ar gael. Noder, bydd angen i chi gofrestru gyda Chyllido Cymru i gael y manylion llawn (fe gewch eich cyfeirio i’r wefan).
Bydd gan eich Cyngor Gwirfoddol Sirol (CVC) arbenigwyr ariannu wrth law fydd yn gallu eich cyfeirio i’r lle cywir i rannu cyfleoedd lleol a gallant roi cymorth uniongyrchol. Mae gan Cefnogi Trydydd Sector Cymru fap rhyngweithiol gwych sy’n eich galluogi i chwilio fesul ardal.
Gallech hefyd ystyried y siopau a’r busnesau ar eich stepen drws. Gallant eich cefnogi mewn tair ffordd allweddol:
Gall busnesau lleol ofyn am rywfaint o gyhoeddusrwydd yn gyfnewid am eu cymorth. Gallai hyn fod mor syml a rhoi sylw iddynt ar y cyfryngau cymdeithasol neu ysgrifennu datganiad i’r wasg. Ewch i’r dudalen hon am arweiniad.
Gallech hefyd wneud y gorau o’r gymuned ehangach. Mae llawer o grwpiau yn creu incwm trwy gynnal digwyddiadau blynyddol fel ffeiriau Nadolig neu dros y Pasg. Gall gwerthu tocynnau raffl, cardiau Nadolig, a hyd yn oed codi ffi aelodaeth fach i gyd helpu.
Gallwch ddal i fyny a’n gweminar creu incwm, wedi ei gynllunio i ysbrydoli grwpiau cymunedol sydd eisiau rhoi hwb i’w hydrechion codi arian.
Ymunodd FAN Alliance a Grŵp Afonydd Caerdydd â ni, gan rannu ffyrdd llwyddiannus y maent wedi creu incwm trwy eu gweithgareddau.
Cyflwynwyd y weminar hon yn Saesneg, ond mae trawsgrifiad llawn ar gael yn Gymraeg ar gais.
Byddwn yn postio enghreifftiau o weithgareddau codi arian arloesol yma. Gallwch gael gwybodaeth am gynllun metel sgrap Grŵp Afonydd Caerdydd a chefnogaeth Pensarn Pickers gan fusnesau lleol.
Oes gennych chi stori llwyddiant codi arian yr hoffech ei rhannu? Cysylltwch â'r tîm.
Rydym yn helpu i roi gwirfoddolwyr brwd mewn cysylltiad â grwpiau lleol. Bydd angen i chi lenwi ffurflen fer i wneud yn siŵr bod eich grŵp wedi ei gynnwys ar ein map.
Ymunwch â’n grŵp Facebook i rannu syniadau ac arfer gorau gydag arwyr gwirfoddoli eraill!
