P’un ai dyma’r tro cyntaf i’ch ysgol godi sbwriel, neu eich bod yn arwyr sbwriel rheolaidd, gall digwyddiadau glanhau fod yn ddigwyddiadau ysgol rhagorol a gwneud straeon lleol gwych sydd yn haeddu sylw.
Ar y dudalen hon fe gewch syniadau ar gyfer eich disgyblion, ysbrydoliaeth a chyngor ar gyfer eich digwyddiad Ymgyrch Fawr i Lanhau Ysgolion, yn ogystal ag adnoddau i’ch helpu i roi’r gair ar led.
Diogelwch yw’r peth pwysicaf i’w ystyried wrth gynllunio digwyddiad glanhau.
Rydym wedi creu gwybodaeth cam wrth gam ynghylch sut i asesu risgiau, beth i’w gynnwys mewn briffiau diogelwch; a’r cyngor ar gyfer cadw’n ddiogel gerllaw priffyrdd, ardaloedd arfordirol a dyfrffyrdd.
Mae gannym hefyd arweiniad ynghylch sut i gael gafael ar y cyfarpar cywir ac, os ydych yn meddwl am lanhau y tu allan i dir eich ysgol, mae gwybodaeth hanfodol ynghylch sut i drefnu bod eich sbwriel yn cael ei gasglu.
Mae digwyddiadau glanhau yn hwyl, yn rhoi boddhad ac yn gallu bod yn hwb mawr i les plant; felly rydym yn hoffi annog yr ysgol gyfan i gymryd rhan lle y bo’n bosibl.
Gallech greu rota yn rhoi cyfle i ddosbarth neu grŵp blwyddyn gwahanol ymuno mewn digwyddiad glanhau yn ystod cyfnod yr Ymgyrch Fawr i Lanhau Ysgolion. Neu os ydych yn bwriadu cynnal y digwyddiad y tu allan i dir yr ysgol, gallech gynnwys cymuned ehangach yr ysgol, trwy wahodd aelodau eraill o’r teulu.
Rydym wedi creu amrywiaeth o adnoddau am ddim i’ch helpu i roi’r gair ar led. Cliciwch ar y blychau isod i lawrlwytho posteri, graffeg y cyfryngau cymdeithasol a thempledi datganiadau i’r wasg.
Lawrlwythwch ein graffeg sydd wedi ei wneud yn barod i helpu i dynnu sylw pobl.
Peidiwch anghofio rhoi gwybod i ni beth rydych yn ei wneud ar y cyfryngau cymdeithasol. Tagiwch ni ar Bluesky, Facebook ac Instagram gan ddefnyddio @EcoSchoolsWales #GwanwynGlânCymru.
Rhowch wybod i’ch cymuned ysgol beth sy’n digwydd gyda’n poster sydd yn hawdd i’w golygu!
Mae digwyddiadau glanhau yn gwneud straeon lleol gwych sydd yn haeddu sylw.
Rhowch wybod i’r cyfryngau lleol am eich digwyddiad glanhau ac ysbrydolwch eraill i gymryd rhan trwy lawrlwytho ein templedi datganiadau i’r wasg isod.
Peidiwch anghofio llongyfarch unrhyw #ArwyrSbwriel sydd yn cymryd rhan trwy lawrlwytho ein tystysgrifau Ymgyrch Fawr i Lanhau Ysgolion.
Mae cymryd rhan mewn digwyddiad glanhau yn darparu cyfleoedd gwych ar gyfer dysgu cyd-destunol gyda chysylltiadau â’r Cwricwlwm i Gymru.
Mae gennym amrywiaeth eang o adnoddau ysgol gynradd ac uwchradd sydd wedi eu dylunio i gyflwyno dysgwyr ifanc i rai o’r materion amgylcheddol pwysicaf tra’n datblygu sgiliau allweddol.
Peidiwch anghofio, mae cymryd rhan yn yr Ymgyrch Fawr i Lanhau Ysgolion yn dystiolaeth ragorol i’w defnyddio wrth wneud cais am eich Baner Werdd Eco-Sgolion.
Cymryd rhan yn yr Ymgyrch Fawr Glanhau Ysgolion yw’r ychwanegiad perffaith i Gynllun Gweithredu EcoSgolion, felly cofiwch ei gynnwys yn eich un chi.
Gosodwch eich targed: gallai olygu cael gwared ar ardal benodol o sbwriel, treulio ychydig amser yn codi sbwriel, neu’n rhoi cyfle i bob dysgwr gadw eu cymuned yn lân!
Cytunwch ar y manylion: Pwy, Beth, Ble a Phryd?
Ystyriwch sut byddwch yn mesur eich cynnydd: mae cyfrif faint o fagiau a gasglwyd yn ffordd wych o gofnodi eich effaith. Gallech fod eisiau mynd â’r cyfleoedd rhifedd ymhellach a’u gwahanu’n fathau o sbwriel a dadansoddi’r canlyniadau.
Gwerthuswch eich canlyniadau: Fe gewch eich synnu faint, neu am y mathau o sbwriel y byddwch yn dod o hyd iddynt. Trafodwch y wybodaeth hon i’ch helpu i benderfynu beth fyddwch yn ei wneud nesaf.
Pan fydd yr Ymgyrch Fawr i Lanhau Ysgolion drosodd, mae’n amser i chi roi gwybod i ni pa mor llwyddiannus ydoedd! Gallwch rannu eich canfyddiadau sbwriel trwy ddefnyddio ein system adrodd ar-lein cyflym a hawdd.
Dweud wrthym am yr hyn y gwnaethoch ei ganfod a faint o sbwriel y gwnaethoch ei gasglu.
Mae chwarae bingo sbwriel yn ffordd wych o wneud digwyddiad glanhau yn fwy o hwyl. Lawrlwythwch ein cerdyn bingo i weld pwy all gasglu’r nifer fwyaf o eitemau!
