Rydym eisiau gwybod y maint y sbwriel ar ein strydoedd, ein traethau ac yn ein parciau.
Eleni, rydym yn annog pawb i ddefnyddio Epicollect5, ein system adrodd ar-lein, sydd am ddim. Mae’r wybodaeth y byddwch yn ei rhoi o gymorth i ni ddatblygu darlun Cymru gyfan o’r gweithgaredd sydd yn digwydd a’r problemau yr ydych yn eu hwynebu.
Os ydych yn Arwr Sbwriel neu wedi sefydlu grŵp cymunedol, byddwch yn gwybod am Epicollect5. Nid yw mor frawychus ag y mae’n swnio, rydym yn addo! Mae ychwanegu gwybodaeth i Epicollect5 yn gyflym ac yn hawdd – gallwch ddewis cofnodi eich gweithgaredd tra byddwch allan gan ddefnyddio’r ap sydd am ddim neu gallwch lanlwytho’r canlyniadau yn nes ymlaen trwy’r wefan.
Edrychwch ar y canllaw isod i ddechrau arni a rhowch wybod i ni y gwahaniaeth mawr yr ydych wedi ei wneud heddiw.
Mae Epicollect5 ar gael ar gyfer ffonau Android a llechi, iPhones ac iPads. Mae’r ap AM DDIM a gallwch ei ddefnyddio ar gymaint o ddyfeisiadau ag y dymunwch.
• Ychwanegwch eich prosiect ar y ddyfais • Cliciwch “Ychwanegu prosiect” ar yr ap • Chwiliwch am eich prosiect • Tapiwch arno i’w lawrlwytho
• Dewiswch y prosiect ac ychwanegwch wybodaeth • Casglwch ddata ar-lein neu all-lein • Lanlwythwch eich data i’r gweinydd pan fyddwch ar-lein • Edrychwch ar ein data a’i lawrlwytho o’r gweinydd
Mae gennym swyddogion prosiect wedi eu lleoli ym mhob awdurdod lleol sydd yn gallu rhoi cyngor i unrhyw un sydd eisiau sefydlu grŵp a gweithio’n annibynnol.
Ymunwch â’n grŵp Facebook i rannu syniadau ac arfer gorau gydag arwyr gwirfoddoli eraill!
