Rydym yn llawn cyffro i gyhoeddi bod yr anhygoel Aleighcia Scott wedi cytuno i fod yn Llysgennad Ieuenctid cyntaf erioed Cadwch Gymru’n Daclus. 

Bydd yn dechrau ei rôl trwy fod yn wyneb recriwtio i’n bwrdd ieuenctid, yn ogystal ag ymgysylltu â phobl ifanc yr haf hwn.

Wedi ei magu yng Nghaerdydd, ond gyda gwreiddiau teuluol yn Trelawny, Jamaica, mae Aleighcia yn berson talentog iawn gyda nifer gynyddol o ddilynwyr, o’i gyrfa gerddorol ac yn cyflwyno ei rhaglen gyda’r nos ar BBC Radio Wales ar y cyd â Huw Stephens.

Mae Aleighcia yn awyddus iawn i ddechrau ac i weithio gyda ni ar faterion amgylcheddol, gan weithio gyda phobl ifanc. Bydd yn gweithio’n agos gyda’n tîm, yn ogystal â mynychu Sioe Frenhinol Cymru a’r Eisteddfod Genedlaethol gyda’n staff yr haf hwn.  

Gallwch ganfod mwy am Aleighcia a gwrando ar ei rhaglen gyda’r nos wythnosol isod:

https://www.bbc.co.uk/programmes/m00160d1