Wythnos hon yw’r cyntaf Wythnos Genedlaethol Rhandiroedd y DU ar hugain. Rydym yn hoff iawn o randiroedd yng Nghymru – mae rhestrau aros yn tyfu a thyfu ac mae’r darnau tir ar rent yn cael eu cymryd cyn gynted ag y maent ar gael.
Mae hynny am fod llu o fuddion iechyd meddwl a chorfforol i feithrin rhandir.
Mae ein Dirprwy Brif Weithredwr, Louise Tambini, wedi bod â rhandir yn Rhandiroedd Parhaol Pontcanna, Caerdydd ers 15 mlynedd.
Mae cynnal rhandir yn therapiwtig iawn. Mae treulio amser yno yn fy helpu i ymlacio ac mae’n dysgu sgiliau newydd i mi o ran tyfu, adeiladu ac addasu eitemau at ddibenion gwahanol.
Louise Tambini Dirprwy Brif Weithredwr, Cadwch Gymru’n Daclus
Mae’n rhoi gymaint o foddhad gweld rhywbeth yr ydych wedi ei blannu fel hedyn bach yn datblygu’n blanhigyn ffrwythlon, hyfryd.
Deg rheswm da pam mae cael rhandir yn syniad gwych
- Mae gofalu am randir yn wych i frwydro yn erbyn unigrwydd: mae’n gymdeithasol iawn. Mae cymunedau’n dod ynghyd ac yn cael eu creu mewn rhandiroedd.
- Mae rhannu a meithrin gwybodaeth a sgiliau, yn ogystal â ffrwyth eich llafur, yn creu cysylltiad bendigedig gydag eraill yn y gymuned.
- Mae cloddio a phlygu yn wych i ffitrwydd corfforol a bod yn actif.
- Mae mwynhau cynhaeaf eich rhandir yn ffordd wych o gael enfys o 5 y dydd
- Mae tyfu a rhoi cynnig ar gynhwysion ffres yn ystod yr argyfwng costau byw presennol yn gost effeithiol hefyd.
- Mae arbed ar ffioedd campfa a hyfforddwr personol, tra’n cael buddion iechyd meddwl wrth wneud ymarfer corff yn yr awyr agored, yn rhoi boddhad mawr.
- Mae’n rhoi boddhad gwylio cnydau, blodau a phlanhigion yn tyfu, ac mae darparu cynnyrch dros ben ar gyfer teulu, ffrindiau a’r cymuned yn wych.
- Mae rhandiroedd yn berffaith ar gyfer mwynhau bywyd gwyllt a bod yn yr awyr agored.
- Gallwch fwynhau rhinweddau pob tymor gyda’r holl elfennau y mae pob un yn eu cynnig.
- Mae bod yn yr awyr agored yn dda i’r enaid ac i les meddwl
Mae rhai o gnydau fy rhandir wedi cynnwys 25 gwrd cnau menyn un hydref, ond bydd unrhyw un sydd â rhandir yn gallu dweud eich bod bob amser yn cael gormodedd o rai cnydau. Gwnewch yn siŵr bod gennych ddigon o le yn y rhewgell a pheidiwch â bod ofn rhoi cynnig ar ryseitiau newydd gyda chnydau!
Louise Tambini Dirprwy Brif Weithredwr, Cadwch Gymru’n Daclus
Mae fy arbrofi wedi cynnwys gin cyrens duon; blondies riwbob a chwstard; bariau egni cyrens duon; agrodolce [saws Eidalaidd chwerw-felys, sydd i’w weld yn aml ar silffoedd gyda Balsamic]; risoto betys; cacen corbwmpen, lemwn a leim; prosecco cartref o’r winwydden a llawer mwy!
Mae fy rhandir yn caniatáu i mi eistedd a gwrando ar fywyd gwyllt a gwylio adar yn bwydo ac yn nythu. Rwy’n mwynhau cymryd amser i arafu a sylwi ar y byd o’m cwmpas, natur ar stepen y drws
Louise Tambini Deputy Chief Executive, Keep Wales Tidy
Mae cnydau yn organig ac yn blasu’n rhagorol – dydw i ddim yn credu bod fy mhys ffres wedi cyrraedd gartref eto!
Ewch ati i dyfu gyda’r dolenni hyn:
