Cydraddoldeb, Amrywiaeth a Chynhwysiant

Ein cynnydd hyd yn hyn

Cam pwysig oedd cynnal arolwg mewnol i nodi pwy mae ein tîm o staff a’n Bwrdd yn ei gynnwys. Dangosodd ein bod yn perfformio’n dda mewn rhai meysydd, yn arbennig o ran oed a rhywedd, ond roedd yn amlwg bod gennym ffordd bell i fynd i sicrhau ein bod yn adlewyrchu poblogaeth Cymru a’r cymunedau yr ydym yn gweithio gyda nhw yn gywir.

Mae canlyniadau’r arolwg wedi helpu i lywio ein Cynllun Gweithredu Cydraddoldeb, Amrywiaeth a Chynhwysiant (EDI). Er bod y cynllun hwn wedi cael ei ddatblygu gan grŵp gweithredol o aelodau staff ac ymddiriedolwyr, rydym i gyd yn berchen arno.

Hyd yn hyn, rydym wedi cymryd y camau canlynol:

• Rydym wedi annog staff i ddefnyddio rhagenwau rhywedd yn eu llofnodion ebost, eu proffiliau ar-lein a chardiau adnabod. Ein gobaith yw bod hyn yn arwydd clir ein bod yn parchu hunaniaeth rhywedd pawb yr ydym yn gweithio gyda nhw.
• Rydym wedi sefydlu bwrdd ieuenctid, gan roi cyfle i bobl ifanc ar draws Cymru i lywio ein gwaith.
• Rydym wedi rhoi hyfforddiant amrywiaeth a chynhwysiant i bob aelod o staff. Wedi ei gyflwyno gan ymgynghorydd allanol, rhoddodd y sesiwn hon gyfle i bawb wrando, dysgu a chael trafodaeth agored am y ffordd y gallwn greu newid.
• Rydym wedi newid y ffordd yr ydym yn ysgrifennu ein swydd-ddisgrifiadau ac rydym bellach yn derbyn CVs – y camau cyntaf tuag at wneud ein prosesau recriwtio yn decach ac yn fwy cynhwysol.
• Rydym wedi ailddylunio prosiectau i fod mor gynhwysol â phosibl. Gyda Lleoedd Lleol ar gyfer Natur, er enghraifft, rydym wedi dileu rhwystrau posibl sydd yn atal grwpiau rhag cymryd rhan, gan sicrhau nad oes angen i unrhyw un boeni am eu profiad, eu sgiliau na’u gallu corfforol.
• Rydym wedi bod yn gweithio gyda’r Gymdeithas Alzheimer gyda’r nod o ddod yn sefydliad sy’n Deall Dementia, er mwyn sicrhau ein bod yn cynnig gofod croesawgar a hygyrch i bobl sydd wedi eu heffeithio gan ddementia.
• Rydym wedi cyflwyno sesiwn EDI yn ein cyfarfodydd staff chwarterol er mwyn diweddaru’r tîm cyfan am ein cynnydd a’r camau nesaf.
• Rydym wedi gofyn i bob aelod o’r staff a’r ymddiriedolwyr i fabwysiadu amcan EDI, gan gydnabod bod gennym i gyd rôl i’w chwarae yn sicrhau bod unigolion yn teimlo eu bod yn cael eu gwerthfawrogi, yn cael eu trin yn deg a heb ragfarn.
• Nid ydym bellach yn ei gwneud yn ofynnol i staff gymryd gwyliau gorfodol dros gyfnod y Nadolig; mae ein tîm yn cael dewis pryd maen nhw’n defnyddio’r gyfran hwn o’u gwyliau.
• Rydyn ni’n gyflogwr sydd wedi ymrwymo i fod yn Hyderus o ran Anabledd, sy’n ein helpu i recriwtio, cadw a gwneud gwahaniaeth i bobl anabl.
• Rydyn ni wedi cyflwyno cyfres o sesiynau hyfforddi ar-lein rheolaidd ar gyfer ein staff, gan eu galluogi i ddysgu gan arbenigwyr a’i gilydd. Mae’r sesiynau hyn yn archwilio amrywiaeth o bynciau, o ddementia ac ymwybyddiaeth awtistiaeth i gynghreiriaeth LHDTC+ a’r model cymdeithasol o anabledd.