Gallwch drawsnewid man sydd wedi’i esgeuluso yn ardd a fydd yn elwa byd natur a’ch cymuned.
Rydym am ddatblygu neu adfer ‘mannau ar gyfer byd natur’, gan greu gardd wyllt yn llond o blanhigion cyfeillgar i beillwyr ac amrywiaeth o gynefinoedd bywyd gwyllt eraill.
Ond mae gennym nod arall hefyd, sef gwella iechyd a llesiant pobl a chymunedau. Rydym am ddod â chymunedau ynghyd, annog mwy o bobl i wirfoddoli a’u cysylltu â byd natur.
Gallai cynnwys pecynnau newid
Mae angen man sy’n mesur 260 metr sgwâr o leiaf ar gyfer y pecyn hwn.
Dyma brosiect ar raddfa fawr, felly cofiwch ddarllen ein cwestiynau cyffredin cyn ymgeisio.
Gallwch wneud cais nawr ar gyfer Lleoedd Lleol ar gyfer Natur ar-lein. Cofrestrwch eich manylion i sefydlu cyfrif. Yna mewngofnodwch, dewiswch eich pecyn dewisol, a chwblhewch y chwe cham. Gwnewch yn siŵr eich bod yn ateb bob cwestiwn a lanlwythwch yr holl luniau a’r dystiolaeth ysgrifenedig sy’n ofynnol.
Peidiwch â phoeni os nad ydych yn gallu cwblhau eich cais mewn un ymgais – gallwch gadw’r hyn yr ydych wedi ei wneud a dychwelyd ato yn nes ymlaen. Neu, gallwch lenwi fersiwn Word o’r ffurflen o hyd a’i chyflwyno i’r un cyfeiriad ebost – lawrlwythwch y fersiwn Word yma.
Os byddwch yn cael unrhyw anhawster yn llenwi’r ffurflen, rydym yma i helpu. Ebostiwch nature@keepwalestidy.cymru a bydd aelod o’r tîm yn cysylltu â chi.
