Cyflwyno Prosiect y Goedwig Hir Drefol
Mae coedwrych yn rhan hanfodol o dirwedd Cymru, yn cefnogi amrywiaeth enfawr o rywogaethau ac yn gweithredu fel coridorau i fywyd gwyllt trwy gysylltu pocedi o fannau gwyrdd gwerthfawr. Yn anffodus, mae coedwrych ar draws y wlad mewn perygl o gael eu rheoli’n amhriodol, eu dinistrio a’u hesgeuluso, yn arbennig mewn ardaloedd adeiledig.
Mae’n bleser gennym gyhoeddi ein bod wedi derbyn cymorth gan Gronfa Dreftadaeth y Loteri Genedlaethol ar gyfer datblygu Prosiect y Goedwig Hir Drefol.
Nod y prosiect, a wnaed yn bosibl gan chwaraewyr y Loteri Genedlaethol, yw diogelu ac adfer coedwrych yng Nghaerdydd, Caerffili, Castell-nedd Port Talbot a Wrecsam.
Byddwn yn gweithio mewn partneriaeth â Choed Cadw, Addysg Oedolion Cymru, Llais y Goedwig ac awdurdodau lleol i gynllunio amrywiaeth o weithgareddau addysg, hyfforddiant a gweithgareddau ymarferol.
Y Goedwig Hir dros y blynyddoedd
Rydym wedi bod yn diogelu coedwrych mewn ardaloedd gwledig ers bron deng mlynedd trwy fenter ‘Y Goedwig Hir’.
Dechreuodd hyn gyda chynllun peilot yn Bannau Brycheiniog yn 2015 a datblygodd yn brosiect cenedlaethol.
Rhwng 2017 a 2021, fe wnaethom weithio gyda chymunedau gwledig a pherchnogion tir ledled Cymru i arolygu, creu ac adfer coedwrych.
119711
o goed fel gwrychoedd newydd
34628
o fetrau o goedwrych eu gwella
3000+
o wirfoddolwyr 13,000 o oriau yn gofalu am goedwrych
1000
o wirfoddolwyr a 100 o berchnogion tir eu hyfforddi
48000m
o goedwrych eu harolygu
