Mae ‘Goriad Gwyrdd yn galluogi busnesau Cymreig i ddathlu’r newidiadau amgylcheddol cadarnhaol y maent yn eu gwneud i farchnata eu hunain i gynulleidfa sydd yn dod yn fwyfwy ymwybodol o’u cyfrifoldeb amgylcheddol.
Mae ‘Goriad Gwyrdd wedi cael ei ddyfarnu i fwy na 3,200 o ddarparwyr twristiaeth ar draws 65 o wledydd yn fyd-eang ac mae’n agored i fusnesau ar draws y sector. O westai bwtîc sydd yn gweini bwyd da, i westai mawr a lleoliadau digwyddiadau gyda’r gallu i ddarparu ar gyfer miloedd, o wely a brecwast i feysydd gwersylla ac atyniadau, mae ‘Goriad Gwyrdd yn ddewis amgylcheddol gynaliadwy wrth gynllunio gwyliau, gwibdeithiau, neu deithiau busnes.
Cafodd ‘Goriad Gwyrdd ei lansio yn Ebrill 2015 ac mae’n cynnig casgliad cynyddol o gyrchfannau mwyaf amgylcheddol gynaliadwy y wlad, gan sicrhau, ble bynnag y byddwch yng Nghymru, y gallwch wneud y dewis gorau ar gyfer yr amgylchedd, yn ogystal â chanfod rhai o’r darparwyr lletygarwch gorau yn y wlad. Y Sefydliad Addysg Amgylcheddol (FEE) sydd yn berchen ar Goriad Gwyrdd a chaiff ei redeg gan Cadwch Gymru’n Daclus. Rydym hefyd yn rheoli gwobrau safonau amgylcheddol hynod lwyddiannus y Faner Las a ‘Goriad Gwyrdd ar ran FEE yng Nghymru.
Mae Goriad Gwyrdd yn eco-achrediad sydd yn tywys busnesau tuag at y dewisiadau amgylcheddol gorau i gyd-fynd ag anghenion eu busnes unigol.
Mae teithwyr a thwristiaid yn gynyddol ymwybodol o bwysigrwydd cefnogi busnesau cyfrifol yn gymdeithasol ac amgylcheddol gynaliadwy. Mewn arolwg yn 2020 gan Booking.com (a gynhaliwyd ar draws 22 o farchnadoedd byd-eang gyda 1,000 o gyfranogwyr fesul marchnad) dywedodd 82% o’r teithwyr eu bod ystyried cynaliadwyedd yn destun pwysig, ond dim ond 50% sydd yn cytuno bod digon o ddewis o ran lleoedd i aros sydd â nodweddion cynaliadwy.
Mae mwy a mwy o ddarparwyr lletygarwch ar draws y byd yn gwneud newidiadau i’w busnes er mwyn apelio at y farchnad hon sydd yn dod i’r amlwg yn ogystal â gwneud arbedion masnachol sylweddol. Mae’n gyffrous gweld nifer gynyddol o fusnesau Cymreig yn arwain y ffordd yn dangos sut gallant fodloni anghenion yr ymwelwyr newydd hyn. Po fwyaf o fusnesau sydd yn ymuno â’r mudiad, y mwyaf o effaith y gallwn ei gael … rydym eich angen chi.
… ac fel elfen ychwanegol, gallwn ddangos i chi sut gall eich busnes wneud arbedion ariannol sylweddol trwy ysgogi ymddygiad cynaliadwy gyda thîm Goriad Gwyrdd wrth law i’ch tywys drwy’r ffordd o weithredu’r newidiadau hyn – beth bynnag yw maint eich busnes. Yn olaf, fel eco-label uchel ei barch ar draws 65 o wledydd yn fyd-eang, mae Goriad Gwyrdd yn cynnig presenoldeb i chi mewn marchnad letygarwch ryngwladol.
Canfod pwy sy’n gymwys i wneud cais am achrediad ‘Goriad Gwyrdd.
Proses cam wrth gam syml i wneud cais am ‘Goriad Gwyrdd.
Mae gwneud cais yn hawdd. Gallwch gofrestru eich diddordeb trwy ebostio’r tîm yn greenkey@keepwalestidy.cymru. Byddant mewn cysylltiad i fynd â chi trwy’r ffurflen gais sydd yn cynnwys agweddau amrywiol ar eich busnes; o ynni, gwastraff a dŵr, i gyfranogiad gwesteion a staff.
Peidiwch â phoeni, ni fyddwn yn gofyn am lawer ac mae tîm bob amser wrth law i helpu.
Unwaith mae eich ffurflen gais wedi cael ei chyflwyno, bydd asesydd Goriad Gwyrdd mewn cysylltiad i drefnu dyddiad ac amser cyfleus i ymweld â’ch busnes. Yn ystod eu hymweliad â’r safle, bydd eich asesydd yn mynd trwy eich cais, yn archwilio ardaloedd gwesteion a staff, ac yn gofyn i weld unrhyw ddogfennau perthnasol.
Os oes unrhyw feysydd y mae’r asesydd yn teimlo bod angen eu gwella, yna bydd y tîm Goriad Gwyrdd yn gweithio gyda chi i’ch helpu i gyflawni’r achrediad.
Yna mae’r holl geisiadau’n cael eu hanfon at reithgor cenedlaethol sydd yn cynnwys gweithwyr proffesiynol annibynnol o’r diwydiant, sydd yn sicrhau bod Goriad Gwyrdd Cymru yn gweithio yn unol â safonau rhyngwladol.
Fel elusen, mae Cadwch Gymru’n Daclus wedi gweithio’n galed i sicrhau bod Goriad Gwyrdd yn hygyrch i bob darparwr twristiaeth. Gyda hyn mewn golwg, mae’r lefelau buddsoddi yn amrywio yn dibynnu ar faint eich busnes. Mae lefelau buddsoddiad yn dechrau ar £250 yn unig ac fe’i telir fel rhan o’r broses ymgeisio, ac yna’n flynyddol ar ôl diweddaru’r cais). Os hoffech siarad ag un o’r tîm Goriad Gwyrdd am y gost i’ch busnes, ebostiwch greenkey@keepwalestidy.cymru am fwy o wybodaeth.
Mae Goriad Gwyrdd yn gyfle i wneud arbedion masnachol gwych. Bydd ein tîm yn rhoi cyngor a chymorth arbenigol i’ch helpu i wneud y dewisiadau amgylcheddol cywir, gan arwain at filiau is heb gyfaddawdu o ran profiad gwesteion. Bydd gennych fynediad at ddeunyddiau hyrwyddo am ddim, fydd yn eich galluogi i arddangos logo Goriad Gwyrdd sydd yn cael ei gydnabod yn rhyngwladol yn eich busnes ac ar-lein. Bydd eich busnes yn cael ei hyrwyddo yn sioeau masnach y diwydiant a digwyddiadau a fynychir gan Goriad Gwyrdd Cymru a Goriad Gwyrdd Rhyngwladol.
