Gwobr Gymunedol y Faner Werdd

Gall unrhyw fan gwyrdd cymunedol ymgeisio, cyhyd ag y bod y safle yn agored i’r cyhoedd mor aml â phosib (er rydyn ni yn deall nad yw’n bosib i bob parc/man gwyrdd fod ar agor drwy’r dydd, a bod rhai yn gyfyngedig i ddiwrnodau agored penodedig wedi eu hysbysebu).

Map rhyngweithiol yn dangos yr holl safleoedd sydd wedi ennill y wobr.

Ydy, y newyddion da yw nad oes cost i chi ymgeisio am Wobr Gymunedol y Faner Werdd.

• Gallwch chi hedfan baner adnabyddus Gwobr y Faner Werdd yn eich parc ac arddangos y plac
• Bydd eich safle yn cael ei hysbysebu ar wefan Cadwch Gymru’n Daclus a gwefan Gwobr y Faner Werdd y Deyrnas Unedig, yn ogystal â chael ei gynnwys yn y wasg ac mewn cyhoeddusrwydd.
• Mae sawl safle a lwyddai i gael y Faner Werdd wedi gweld cynnydd yn y nifer o ymwelwyr.
• Bydd pob parc yn derbyn adborth ac argymhellion, yn cynnwys arfer da a phethau i’w gwella.
• Gall enillwyr elwa o gyllid a grantiau allanol sy’n cydnabod y wobr, er enghraifft, Cronfa Dreftadaeth y Loteri.

Gwobrwyi’r parciau yn flynyddol, felly bydd angen i enillwyr ymgeisio pob blwyddyn er mwyn adnewyddu eu statws fel parc neu fan gwyrdd Y Faner Werdd.

Y dyddiad cau ar gyfer cyflwyno ceisiadau yw’r 31 Ionawr.

Cynhelir y beirniadu yn ystod tymor y gwanwyn, ac fel rheol, cyhoeddir holl enillwyr Gwobr y Faner Werdd ym mis Gorffennaf.

Bydd beirniaid annibynnol, profiadol sydd wedi eu hyfforddi i feirniadu ceisiadau Gwobr y Faner Werdd yn trefnu i ddod i ymweld â’ch safle ac i fynd drwy eich cais.

Beirniadir eich safle yn ôl wyth maen prawf allweddol:

• Man croesawus
• Iach a diogel
• Glân ac yn cael ei gynnal yn dda
• Cynaladwyedd
• Cadwraeth a Threftadaeth
• Cynnwys y gymuned
• Marchnata
• Rheolaeth

Mae gwneud cais am y wobr yn broses hawdd ac yn rhad am ddim! Cofrestrwch eich parc ac uwch-lwytho’r dogfenni canlynol:

• Cyfansoddiad y Grŵp
• Yswiriant y Grŵp
• Les neu fanylion cytundeb ar gyfer defnydd y tir lle leolir y safle
• Map o’r safle
• Lluniau o’r safle