Y Faner Werdd

• Mae’n darparu safon ansawdd genedlaethol ynghyd â fframwaith ar gyfer mannau gwyrdd.
• Gallwch arddangos baner adnabyddus Gwobr y Faner Werdd yn eich parc.
• Bydd eich safle yn cael ei hysbysebu ar wefan Cadwch Gymru’n Daclus a gwefan Gwobr y Faner Werdd y Deyrnas Unedig, yn ogystal â chael ei gynnwys yn y wasg ac mewn cyhoeddusrwydd.
• Mae sawl safle a lwyddai i gael y Faner Werdd wedi gweld cynnydd yn y nifer o ymwelwyr.
• Bydd pob parc yn derbyn adborth ac argymhellion, yn cynnwys arfer da a phethau i’w gwella.
• Gall enillwyr elwa o gyllid a grantiau allanol sy’n cydnabod y wobr, er enghraifft, Cronfa Dreftadaeth y Loteri.

Mae’r gost yn amrywio yn dibynnu ar faint eich safle. Y costau ymgeisio ar gyfer y flwyddyn yma yw:

• Safle Gwobr y Faner Werdd <20 hectar = £350 + TAW
• Safle Gwobr y Faner Werdd >20 hectar = £400 + TAW
• Safle Gwobr Dreftadaeth y Faner Werdd = £100 + TAW (yn ychwanegol i’r ffi lawn uchod)

Gall amrywiaeth eang o fannau gwyrdd ymgeisio am Wobr y Faner Werdd, o barciau bach trefol i barciau gwledig anferth, campysau prifysgol, ystadau tai a hyd yn oed mynwentydd.

Os hoffech mwy o wybodaeth mae croeso i chi ofyn am lawlyfr y Faner Werdd.

Map rhyngweithiol yn dangos yr holl safleoedd sydd wedi ennill y wobr.

Gwobrwyi’r parciau yn flynyddol, felly bydd angen i enillwyr ymgeisio pob blwyddyn er mwyn adnewyddu eu statws fel parc neu fan gwyrdd Y Faner Werdd.

Y dyddiad cau ar gyfer cyflwyno ceisiadau yw’r 31ain o Ionawr.

Cynhelir y beirniadu yn ystod tymor y gwanwyn, a bydd yr enillwyr yn cael eu cyhoeddi ym mis Gorffennaf.

Bydd beirniaid annibynnol, profiadol sydd wedi eu hyfforddi i feirniadu ceisiadau Gwobr y Faner Werdd yn trefnu i ddod i ymweld â’ch safle ac i fynd drwy eich cais.

Beirniadir eich safle yn ôl wyth maen prawf allweddol:

• Man croesawus
• Iach, diogel a sicr
• Cynnal yn dda ac yn lân
• Rheoli amgylcheddol
• Bioamrywiaeth, tirwedd a threftadaeth
• Ymglymiad cymunedol
• Marchnata a chyfathrebu
• Rheolaeth

Mae’n hawdd gwneud cais. Cofrestrwch eich parc ac uwch lwytho eich cynllun rheolaeth.

Am gyfarwyddiadau manylach, lawr lwythwch y ddogfen gam wrth gam yma

Oes! Mae Achrediad Safle Treftadaeth Werdd yn cael ei roi i fannau gwyrdd sy’n cyflawni safonau Gwobr y Faner Werdd ac sydd hefyd yn hyrwyddo elfennau o’u treftadaeth sy’n eu gwneud yn unigryw.

Mae’n rhaid i Safle Treftadaeth Werdd feddu ar Wobr y Faner Werdd (er ei fod yn bosibl gwneud cais am y ddau hyd yn oed yn y flwyddyn gyntaf).

Y gost yw £100 + TAW i wneud cais am Achrediad Treftadaeth y Faner Werdd.

I ganfod mwy am Achrediad Treftadaeth Werdd, cysylltwch â Lucy Prisk neu ffoniwch 07469 118876.