Ymunwch â ni i lanhau llyn cychod Cwmbrân yn ystod Glanhau Moroedd Cymru
Amser: 10.00am – 2.00pm
Dyddiad: Dydd Gwener 23 Medi 2022
Lleoliad: Llyn cychod Cwmbrân, Torfaen, ///zips.boom.splash
I ddathlu Glanhau Moroedd Cymru, helpwch ni i lanhau llyn cychod Cwmbrân ac Afon Llwyd fis Medi.
Mae’n rhaid i’r holl gyfranogwyr gofrestru ar gyfer y digwyddiad isod. Byddwch yn derbyn ebost yn cadarnhau unwaith y byddwch chi wedi cofrestru ar gyfer y digwyddiad. Dewch â’r ebost cadarnhau gyda chi ar ddiwrnod y digwyddiad. Bydd nifer y tocynnau yn gyfyngedig yn ôl y digwyddiad.
Dewch â’ch offer codi sbwriel eich hun, neu gallwch fenthyg cyfarpar ar y diwrnod am y bydd popeth yn cael ei ddarparu. Argymhellir esgidiau glaw, esgidiau pysgota a chymhorthion arnofio os oes rhai gennych. Bydd briff diogelwch ar ddechrau’r digwyddiad glanhau hefyd. Dewch â’ch menig garddio eich hun, esgidiau synhwyrol a gwisgwch ddillad sydd yn addas ar gyfer y tywydd.
Fe sylwch ein bod wedi ychwanegu cyfeiriad what3words i’r wybodaeth am y digwyddiad. Bydd hyn o gymorth i chi ddod o hyd i’r union fan cyfarfod ar gyfer y digwyddiad glanhau. Ewch i www.what3words.com a rhowch y cyfuniad unigryw o dri gair i mewn.
Wrth gofrestru ar gyfer digwyddiad Glanhau Moroedd Cymru, rydych yn cytuno i ddilyn canllawiau iechyd a diogelwch Cadwch Gymru’n Daclus sydd ar gael yma: https://keepwalestidy.cymru/caru-cymru/spring-clean-cymru-2022/planning-your-clean-up/
Mae’n rhaid i chi hysbysu Cadwch Gymru’n Daclus os oes gennych unrhyw broblemau iechyd sylfaenol a allai effeithio arnoch yn cymryd rhan yn y gweithgaredd. Os nad ydych yn gallu mynychu bellach, rhowch wybod i ni er mwyn i ni allu rhoi eich lle i rywun arall.
PEIDIWCH â mynychu’r digwyddiad glanhau os ydych yn teimlo’n sâl neu os ydych wedi cael prawf positif am COVID-19.
Os oes gennych unrhyw gwestiynau, mae croeso i chi gysylltu â Thomas Board yn Thomas.Board@keepwalestidy.cymru
