Am y gwobrau
Mae Gwobrau Cymru Daclus, sydd yn dyddio’n ôl i 1990, yn anrhydeddu arwyr amgylcheddol – yr unigolion, grwpiau, ysgolion a busnesau, sydd yn mynd y tu hwnt i’r disgwyliadau i ofalu am ein gwlad hardd.
Ydych chi’n gweithio’n ddiflino i gadw eich ardal leol yn lân, yn wyrdd ac yn ddiogel? A oes gennych ffrind neu aelod o’r teulu sydd wedi ymrwymo i ofalu am natur? Efallai eich bod yn gwybod am grŵp o bobl ifanc sy’n hyrwyddo tyfu bwyd i frwydro yn erbyn tlodi? Neu efallai eich bod yn rhan o sefydliad sy’n arwain y ffordd yn uno’r gymuned yn enw cynaliadwyedd? Rydym eisiau clywed oddi wrthych!
Bydd ymgeiswyr terfynol pob categori yn cael gwahoddiad i ymuno â ni ar gyfer seremoni flaenllaw Gwobrau Cymru Daclus yn ystod y dydd ar Dydd Mercher 7 Hydref yng Nghanolfan eiconig Teml Heddwch yng Nghaerdydd.
Ein categorïau
Yn ogystal â rhai o’n gwobrau sefydlog, rydym wedi adnewyddu ac ychwanegu rhai categorïau newydd i adlewyrchu’r gweithgareddau gwych rydym yn gwybod eu bod yn digwydd ledled Cymru.
Cliciwch ar y bocsiau isod i ddarganfod mwy am ein categorïau.
Bydd enillwyr y deg categori hefyd yn gymwys am Wobr Cyflawniad Eithriadol Cadwch Gymru’n Daclus, sy’n cydnabod y gorau o’r goreuon. Bydd un enillydd cyffredinol yn cael ei ddewis gan y tîm rhagorol yn Wales & West Housing.
Gwobr Gwydnwch Grwpiau Cymunedol
Mae’r wobr newydd hon yn cydnabod grwpiau cymunedol sydd wedi llwyddo i wella eu cynaliadwyedd ariannol a’u gwydnwch hirdymor.
Darganfod
Gwobr Arloesedd yr Economi Gylchol
Rydym yn chwilio am grwpiau, ysgolion a sefydliadau sydd wedi creu ffyrdd newydd ac arloesol o leihau, ailddefnyddio, ailgylchu ac atgyweirio.
Darganfod
Gwobr Uno dros Effaith Amgylcheddol
Mae’r wobr hon sy’n dathlu pŵer mentrau amgylcheddol i gysylltu pobl a diwylliannau amrywiol ledled Cymru.
Darganfod
Gwirfoddolwr / Gwirfoddolwyr Ifanc y Flwyddyn
We want to celebrate under-25s who are passionate about our planet and committed to creating a more sustainable future.
Darganfod
Gwobr Tyfu Bwyd Cymunedol
Rydym eisiau arddangos y prosiectau tyfu bwyd cymunedau gorau ledled Cymru.
Darganfod
Gwobr Rhagoriaeth Eco-Sgolion Matt Bunt
Mae’r wobr hon yn dathlu’r ysgolion hynny sydd yn dangos rhagoriaeth yn eu gweithgareddau Eco-Sgolion.
Darganfod
Gwobr Cymunedau Glanach
Mae’r wobr hon yn cydnabod eu hymrwymiad anhygoel i lanhau amgylchedd Cymru.
Darganfod
Gwobr Natur yn y Gymuned
Mae’r wobr hon yn dathlu prosiectau sydd wedi rhoi help llaw i natur tra’n cysylltu pobl â’r byd naturiol.
Darganfod
Gwobr Trawsnewid Cymuned
Mae’r wobr hon yn cydnabod prosiectau o bob math a maint sydd wedi trawsnewid ardaloedd awyr agored segur neu wedi eu hesgeuluso yn fannau gwyrdd sy’n ffynnu.
Darganfod
Gwobr Gwirfoddolwr y Flwyddyn
Mae’r wobr hon yn dathlu gwirfoddolwr di-dâl rhagorol y mae ei ymdrechion wedi bod o fudd mawr i amgylchedd Cymru.
Darganfod
Cwestiynau Cyffredin
Popeth sydd angen i chi ei wybod am Wobrau Cymru Daclus 2026.
Gallwch enwebu eich hun, grŵp, ysgol, sefydliad, ffrindiau, teulu, neu gydweithiwr(wyr).
Mae yna gategorïau yng Ngwobrau Cymru Daclus sydd yn addas i bawb ond darllenwch y meini prawf yn ofalus cyn cyflwyno eich enwebiad er mwyn sicrhau ei fod yn gymwys.
Gallwch enwebu’r un person neu grŵp ar gyfer mwy nag un categori, ond bydd angen llenwi ffurflen ar wahân bob tro.
Mae’n rhaid i’r enwebiadau gynnwys yr holl wybodaeth angenrheidiol ac mae’n rhaid iddynt fod yn seiliedig ar weithgareddau sydd wedi digwydd dros y deuddeg mis diwethaf.
Cliciwch ar y dolenni isod i gael yr holl fanylion. Ar bob tudalen, fe welwch ffurflen enwebu ar-lein i’w chwblhau.
- Gwirfoddolwr / Gwirfoddolwyr Ifanc y Flwyddyn
- Gwobr Arloesedd yr Economi Gylchol
- Gwobr Cymunedau Glanach a noddir gan Helping Hand Environmental
- Gwobr Gwirfoddolwr y Flwyddyn a noddir gan Archer Technology Group
- Gwobr Gwydnwch Grwpiau Cymunedol a noddir gan The Moondance Foundation
- Gwobr Natur yn y Gymuned a noddir gan Trafnidiaeth Cymru
- Gwobr Rhagoriaeth Eco-Sgolion Matt Bunt a noddir gan Wales & West Utilities
- Gwobr Trawsnewid Cymunedol a noddir gan Robert Price Builders’ Merchants
- Gwobr Tyfu Bwyd Cymunedol a noddir gan ClwydAlyn
- Uno dros Effaith Amgylcheddol
Os yw’n haws, gallwch lawrlwytho fersiwn Word o’r ffurflen a’i hanfon yn ôl atom ar ebost neu drwy’r post. Mae’r manylion ar y ffurflen.
Os na allwch gyfleu yn ysgrifenedig pam yr hoffech enwebu rhywun am wobr, gallwch hefyd anfon nodyn llais neu enwebiad fideo atom. Ni ddylai’r nodyn llais neu’r fideo fod yn fwy na phum munud ac mae’n rhaid cynnwys yr holl wybodaeth angenrheidiol.
Gellir anfon nodiadau llais ar What’s App i 07875 662803 neu eu hanfon ar ebost i twa@keepwalestidy.cymru. Rydym yn gofyn i chi ddilyn hyn gyda lluniau i ddangos effaith gadarnhaol yr unigolyn, grŵp, ysgol neu fusnes – unwaith eto, gellir anfon y rhain ar What’s App neu ar ebost.
Gellir ebostio enwebiadau fideo i twa@keepwalestidy.cymru
Croesewir enwebiadau yn Gymraeg neu yn Saesneg.
Rhaid cyflwyno pob enwebiad erbyn 18.00 ddydd Mawrth 30 Mehefin. Ni fydd enwebiadau a dderbynnir ar ôl hyn yn cael eu hystyried.
Bydd enillydd pob categori yn derbyn tystysgrif a £200 o offer a chyfarpar gan Huws Gray i gefnogi eu gwaith.
Gwahoddir yr holl ymgeiswyr terfynol i ymuno â ni yn seremoni wobrwyo fawreddog Gwobrau Cymru Daclus ar ddydd Mercher 7 Hydref yng Nghanolfan Teml Heddwch yng Nghaerdydd. Darperir lluniaeth ac adloniant.
Ni fydd gwobrau amgen yn cael eu cynnig.
Bydd rhestr fer o’r enwebiadau’n cael ei chreu gan staff Cadwch Gymru’n Daclus erbyn canol mis Gorffennaf.
Bydd yr ymgeiswyr terfynol yn cael eu hasesu gan banel o arbenigwyr yn cynnwys staff Cadwch Gymru’n Daclus, ymddiriedolwyr, a noddwyr Gwobrau Cymru Daclus. Gyda’i gilydd, byddant yn dewis yr enillwyr.
Bydd yr holl ymgeiswyr yn cael eu hysbysu os ydynt wedi cael eu cynnwys ar y rhestr fer erbyn 17 Gorffennaf.
Ni fydd unrhyw ohebiaeth yn ymwneud â’r ymgeiswyr terfynol sydd wedi cael eu dewis.
Bydd hawlfraint y ceisiadau a’r holl wybodaeth amgaeëdig (yn cynnwys delweddau, fideos a negeseuon llais) yn aros gyda’r ymgeisydd, ond mae’r ymgeisydd yn rhoi caniatâd i Cadwch Gymru’n Daclus ddefnyddio’r wybodaeth yma i hyrwyddo Cadwch Gymru’n Daclus a Gwobrau Cymru Daclus ar draws ein gwefan, y cyfryngau cymdeithasol ac mewn unrhyw gyhoeddiad cysylltiedig yn y wasg a’r cyfryngau.
Bydd holl wybodaeth yr ymgeiswyr yn cael ei chadw yn unol â Pholisi Preifatrwydd Cadwch Gymru’n Daclus, ac mae copi o hwn ar gael yma.
Cysylltwch â’r tîm os oes gennych unrhyw gwestiynau pellach. Anfonwch ebost atom twa@keepwalestidy.cymru neu ffoniwch ni ar 07875 662803.
Gyda diolch i'n noddwyr
