Am y wobr
Mae’r beirniaid eisiau clywed sut mae’r trawsnewidiad wedi cael effaith gadarnhaol ar fywyd gwyllt lleol, ond maen nhw, yn benodol, eisiau deall sut mae’r man gwyrdd wedi gwella bywydau’r bobl sy’n ei ddefnyddio. Efallai ei fod wedi rhoi hwb i ysbryd cymunedol? Neu efallai bod sgiliau a hyder gwirfoddolwyr wedi gwella ers cymryd rhan?
Gallai’r enwebiadau gynnwys:
- Parc newydd wedi ei greu ar dir sydd wedi tyfu’n wyllt neu wedi ei esgeuluso.
- Gardd gymunedol drefol wedi ei sefydlu mewn lôn oedd yn segur ac yn llawn sbwriel yn flaenorol.
- Rhandir cymunedol sy’n ffynnu wedi ei osod mewn ardal lle’r oedd llawer o dipio anghyfreithlon yn flaenorol.
- Gardd newydd wedi ei chreu ar ofod llwyd, concrid neu darmac heb unrhyw fywyd gwyllt.
Gwybodaeth ofynnol
Mae’r categori hwn yn agored i unrhyw grŵp cymunedol, ysgol, CIC ac / neu unigolyn.
Mae lluniau cyn ac ar ôl yn hanfodol ar gyfer y categori hwn. Mae angen i ni weld effaith eich gwaith.
Ar gyfer y Wobr Trawsnewid Cymuned, bydd y beirniaid yn chwilio am y wybodaeth ganlynol:
- Pa ardal(oedd) gafodd eu dewis i’w trawsnewid a pham?
- Sut oedd y safle cyn i’r gwaith ddechrau? Rhowch luniau ‘cyn’ ac ‘ar ôl’ i ddangos y trawsnewid.
- Pa weithgareddau sydd wedi cael eu cynnal i’w drawsnewid yn ased cymunedol? Er enghraifft, symud gwastraff, torri llystyfiant yn ôl, gosod draeniad neu lwybrau hygyrch.
- Faint o bobl a sefydliadau sydd wedi bod yn gysylltiedig?
- Sut mae’r safle’n cael ei ddefnyddio nawr, a phwy sy’n ei ddefnyddio’n rheolaidd?
Cyflwyno'ch enwebiad
Llenwch y ffurflen enwebu isod. Noder, nid oes gan y ffurflen hon swyddogaeth ‘arbed’. Byddwch yn gallu mynd yn ôl a diwygio gwybodaeth cyn cyflwyno eich ffurflen, ond dylech osgoi adfywio eich porwr.
Os yw’n haws, gallwn lawrlwytho fersiwn Microsoft Word o’r ffurflen a’i hanfon yn ôl atom drwy e-bost neu’r post. Darperir y manylion ar y ffurflen.
Os na allwch gyfleu yn ysgrifenedig pam yr hoffech enwebu rhywun am wobr, gallwch hefyd anfon nodyn llais neu enwebiad fideo atom. Ni ddylai’r nodyn llais neu’r fideo fod yn fwy na phum munud ac mae’n rhaid cynnwys yr holl wybodaeth angenrheidiol.
Gellir anfon nodiadau llais ar WhatsApp i 07469 118914 neu eu hanfon ar ebost i twa@keepwalestidy.cymru. Rydym yn gofyn i chi ddilyn hyn gyda lluniau i ddangos effaith gadarnhaol yr unigolyn, grŵp, ysgol neu fusnes – unwaith eto, gellir anfon y rhain ar WhatsApp neu ar ebost.
Gellir ebostio enwebiadau fideo i twa@keepwalestidy.cymru.
Croesewir enwebiadau yn Gymraeg neu yn Saesneg.
Mae’n rhaid cyflwyno’r holl enwebiadau erbyn 18.00 ddydd Mawrth 30 Mehefin. Ni fydd enwebiadau a dderbynnir ar ôl hyn yn cael eu hystyried.
Gwobrau Cymru Daclus 2026 ffurflen enwebu
Cysylltwch â ni
Angen help gyda’ch enwebiad? Mae croeso i chi gysylltu â’r tîm.
