Gwobr Tyfu Bwyd Cymunedol

Am y wobr

Mae’r beirniaid yn chwilio am brosiectau tyfu bwyd sydd wedi cynyddu nifer y bobl nad ydyn nhw’n gallu cael gafael ar fwyd wedi ei dyfu’n lleol. Maen nhw’n arbennig o awyddus i glywed am brosiectau sydd wedi helpu cymunedau i ddod yn fwy cynaliadwy a gwydn.

Gallai’r enwebiadau gynnwys:

Prosiectau sy’n cyflenwi cynnyrch ffres i fanciau bwyd neu geginau cymunedol lleol.
Perllannau cymunedol lle mae preswylwyr yn cael eu hannog i ‘ddewis eu ffrwythau a’u llysiau eu hunain’ i hybu eu hiechyd a’u lles.
Creu gerddi tyfu bwyd cymunedol newydd.
Mentrau sy’n addysgu pobl sut i ofalu am eu ffrwythau a’u llysiau eu hunain a’u cynaeafu.

Gwybodaeth ofynnol

Ar gyfer y Wobr Tyfu Bwyd Cymunedol, bydd y beirniaid yn chwilio am y wybodaeth ganlynol:

Pa fath a faint o fwyd sydd wedi cael ei dyfu? Mae amcangyfrif o’r maint yn iawn.
Ble mae’r bwyd yn mynd? Sut mae’n cael ei ddefnyddio a’i ddosbarthu yn y gymuned?
Faint o bobl a sefydliadau sydd wedi bod yn gysylltiedig?
Pa wahaniaeth mae’r gweithgareddau tyfu bwyd wedi ei wneud i’r gymuned a’r derbynwyr?
Sut mae’r gweithgareddau wedi helpu eraill i dyfu eu bwyd eu hunain?
Sut mae’r enwebai wedi sicrhau bod y bwyd wedi’i dyfu’n gynaliadwy? Er enghraifft, lleihau’r defnydd o gemegau, gan annog pryfed buddiol.

Dylai eich cais gynnwys tystiolaeth fideo a / neu ffotograffig.

Cyflwyno'ch enwebiad

Llenwch y ffurflen enwebu isod. Noder, nid oes gan y ffurflen hon swyddogaeth ‘arbed’. Byddwch yn gallu mynd yn ôl a diwygio gwybodaeth cyn cyflwyno eich ffurflen, ond dylech osgoi adfywio eich porwr.

Os yw’n haws, gallwn lawrlwytho fersiwn Microsoft Word o’r ffurflen a’i hanfon yn ôl atom drwy e-bost neu’r post. Darperir y manylion ar y ffurflen.

Os na allwch gyfleu yn ysgrifenedig pam yr hoffech enwebu rhywun am wobr, gallwch hefyd anfon nodyn llais neu enwebiad fideo atom. Ni ddylai’r nodyn llais neu’r fideo fod yn fwy na phum munud ac mae’n rhaid cynnwys yr holl wybodaeth angenrheidiol.

Gellir anfon nodiadau llais ar What’s App i 07469 118914 neu eu hanfon ar ebost i twa@keepwalestidy.cymru. Rydym yn gofyn i chi ddilyn hyn gyda lluniau i ddangos effaith gadarnhaol yr unigolyn, grŵp, ysgol neu fusnes – unwaith eto, gellir anfon y rhain ar What’s App neu ar ebost.

Gellir ebostio enwebiadau fideo i twa@keepwalestidy.cymru.

Croesewir enwebiadau yn Gymraeg neu yn Saesneg.

Mae’n rhaid cyflwyno’r holl enwebiadau erbyn 18.00 ddydd Mawrth 30 Mehefin. Ni fydd enwebiadau a dderbynnir ar ôl hyn yn cael eu hystyried.