Hygyrchedd - Keep Wales Tidy

Mae’r datganiad hygyrchedd hwn yn berthnasol i https://keepwalestidy.cymru

Mae’r wefan hon yn cael ei rhedeg gan Cadwch Gymru’n Daclus. Rydym eisiau cymaint o bobl â phosibl i allu defnyddio’r wefan hon.

Er enghraifft, mae hynny’n golygu y dylech fod yn gallu:

chwyddo’r sgrin hyd at 400% heb i’r testun fynd y tu allan i’r sgrin
llywio’r rhan fwyaf o’r wefan gan ddefnyddio bysellfwrdd yn unig
llywio’r rhan fwyaf o’r wefan gan ddefnyddio meddalwedd adnabod llais
gwrando ar y rhan fwyaf o’r wefan gan ddefnyddio darllenydd sgrin (yn cynnwys fersiynau mwyaf diweddar JAWS, NVDA a VoiceOver)

Mae gan AbilityNet gyngor ar wneud eich dyfais yn haws i’w defnyddio os oes gennych anabledd.

Lle y bo’n bosibl, defnyddiwch borwr cyfredol

Trwy ddefnyddio porwr cyfredol (y rhaglen y byddwch yn ei defnyddio i fynd i mewn i’r rhyngrwyd) byddwch yn cael mynediad i set llawer cyfoethocach o opsiynau i’ch cynorthwyo i fynd o amgylch y safle.

Mae’r porwyr safonol yr ydym yn eu hargymell wedi eu nodi isod gyda dolenni ar gyfer gosod bob un ohonynt:

Ar ôl eu gosod, bydd gan bob un ei ddetholiad ei hun o opsiynau hygyrchedd a allai alluogi opsiynau pellach trwy ddefnyddio ategion. Am fwy o fanylion gweler y dudalen Hygyrchedd ar gyfer bob un:

Opsiynau yn eich porwr

Mae’r rhan fwyaf o’r porwyr mwyaf modern i gyd yn rhannu’r offer hygyrchedd mwyaf cyffredin, dyma restr o nodweddion defnyddiol:

Chwiliad Cynyddol

Mae chwiliad cynyddol yn eich galluogi i chwilio’n gynyddol ar dudalen ar y we am air neu ymadrodd penodol ar dudalen.

I alluogi hyn yn eich porwr, pwyswch a dal Ctrl/Command ac yna tapio F.
Bydd hyn yn agor blwch i deipio eich chwiliad ynddo. Wrth i chi deipio, bydd y gair neu’r ymadrodd yn cael ei amlygu ar y dudalen i chi.

Llywio gofodol

Bydd pwyso tab yn mynd â chi i bob un o’r eitemau y gallwch ryngweithio â nhw ar unrhyw dudalen. Bydd dal SHIFT i lawr ac yna pwyso tab yn mynd a chi i’r eitem flaenorol.

Llywio Caret (Internet Explorer a Firefox yn unig)

Yn lle defnyddio llygoden i ddewis testun a symud o gwmpas ar dudalen ar y we, gallwch ddefnyddio allweddau llywio ar eich bysellfwrdd: Home, End, Page Up, Page Down a’r allweddi saeth. Mae’r nodwedd hon wedi ei henwi ar ôl y caret, neu’r cyrchwr, sy’n ymddangos pan fyddwch yn golygu dogfen.

I droi’r nodwedd hon ymlaen, pwyswch yr allwedd F7 ar frig eich bysellfwrdd a dewiswch alluogi’r caret ar y tab rydych yn edrych arno neu eich tabiau i gyd.

Bylchwr

Bydd gwasgu’r bylchwr ar dudalen ar y we yn symud y dudalen rydych chi’n edrych arni i lawr i rhan weladwy nesaf y dudalen.

Offeryn cymorth hygyrchedd

I wella eich profiad, mae’r wefan hon yn cynnwys ategyn hygyrchedd UserWay. Mae’r offeryn hwn wedi ei gynllunio i wella defnyddioldeb a hygyrchedd ar gyfer ystod eang o ddefnyddwyr, yn cynnwys y rhai ag amhariadau gweledol, echddygol, neu wybyddol.

Mae’r ategyn yn darparu nodweddion fel meintiau testun y gellir eu haddasu, rheolyddion cyferbynnedd a lliw, gwelliannau o ran llywio’r bysellfwrdd, cymorth darllenydd sgrin, ac addasiadau hygyrchedd eraill. Gall yr offer hyn helpu i deilwra’r profiad o bori er mwyn bodloni anghenion unigol yn well.

Gallwch actifadu’r ddewislen hygyrchedd trwy ddewis yr eicon wedi ei leoli ar waelod y sgrin ar yr ochr chwith.

Er y gall yr offeryn hwn wella hygyrchedd, rydym wedi ymrwymo i wella hygyrchedd y wefan ei hun.

Am fwy o wybodaeth am y ffordd mae’r offeryn hwn yn gweithio a’r nodweddion y mae’n eu cynnig, ewch i: https://userway.org

Pa mor hygyrch yw’r wefan hon

Efallai nad yw rhannau o’r wefan hon yn gwbl hygyrch. Er enghraifft:

Gallai rhai elfennau pennawd fod allan o drefn
Efallai na fydd rhai meysydd ffurf yn ‘awtolanw’
Gall rhai nodweddion a argymhellir fod ar goll mewn rhai delweddau
Mae rhai nodweddion dalfan wedi cael eu defnyddio fel labeli
Efallai nad yw rhywfaint o’r cynnwys wedi ei ymgorffori gan drydydd parti yn cydymffurfio â chanllawiau WCAG.

Gwybodaeth dechnegol am hygyrchedd y wefan hon

Mae’r wefan hon yn cydymffurfio’n rhannol â safon AA fersiwn 2.2 Canllawiau Hygyrchedd Cynnwys ar y We (WCAG), oherwydd y diffyg cydymffurfio a restrir isod.

Nid yw elfennau pennawd mewn trefn esgynnol dilyniannol

Penawdau a Labeli WCAG 2.4.6: Mae penawdau wedi eu trefnu’n iawn sydd ddim yn neidio dros lefelau yn cyfleu strwythur semantig y dudalen, sy’n ei gwneud hi’n haws llywio a deall wrth ddefnyddio technolegau cynorthwyol.

Nodweddion ‘Awtolanw’ coll ar fewnbwn ffurflenni

WCAG 1.3.5 Nodi Diben Mewnbwn: Gall fod achosion ar ffurflenni wedi eu hymgorffori gan drydydd parti lle mae nodwedd awtolanw=”…” ddilys ar goll. Gall y rhain helpu i awtolanw meysydd, fel ffurflenni chwilio gyda chynnwys y mae’r defnyddiwr wedi ei roi i mewn yn flaenorol. Mewn rhai achosion, nid oes angen awtolanw, yn yr achosion hyn dylid datgan awtolanw o hyd, ond gyda gosodiad ‘i ffwrdd’.

Mae nodweddion a argymhellir ar goll o rai delweddau SVG

WCAG 1.1.1 Cynnwys nad yw’n destun: er bod rolau’r holl ddelweddau addurniadol sydd wedi eu hychwanegu at thema’r wefan wedi eu diffinio, efallai na fydd graffeg SVG wedi eu lanwlytho i’r safle cyn ei lansio yn cynnwys y rôl a argymhellir a’r nodweddion aria-label.

Enghreifftiau lle mae nodwedd daliwr lle wedi cael ei ddefnyddio fel label

WCAG 2.5.3 Label mewn Enw: Efallai na fydd rhai ffurfiau wedi eu hymgorffori gan drydydd parti yn cynnwys labeli wedi eu priodoli’n gywir i feysydd ffurf. Er y gallai label fod yn bresennol, gallai fod heb y paru nodwedd for/id sydd ei angen i briodoli label ffurf i fewnbwn ffurf penodol.

PDFs a dogfennau nad ydynt yn rhai HTML

Efallai na fydd rhai o’n PDFs a dogfennau eraill nad ydynt yn rhai HTML yn gwbl hygyrch. Er enghraifft, efallai na fyddant wedi eu strwythuro i fod yn hygyrch i ddarllenydd sgrin, gallai fod destun amgen ar goll ar gyfer y delweddau, neu efallai na fydd modd eu llywio’n llawn gan ddefnyddio bysellfwrdd.

Rydym yn gweithio i wella hygyrchedd y dogfennau hyn lle y bo’n bosibl. Os nad yw dogfennau yn hygyrch, ein nod fydd darparu dewisiadau amgen ar gais.

Os bydd angen gwybodaeth arnoch mewn fformat gwahanol (fel PDF hygyrch, Word, print mawr, hawdd i’w ddeall neu sain), cysylltwch â ni ac fe wnawn ein gorau i’w darparu.

Adrodd am broblemau hygyrchedd gyda’r wefan hon

Rydym bob amser eisiau gwella hygyrchedd y wefan hon. Cysylltwch â ni os ydych yn dod ar draws unrhyw broblemau sydd heb eu rhestru ar y dudalen hon neu os ydych yn credu nad ydym yn bodloni gofynion hygyrchedd.

Adborth a chwynion

Rydym wedi ymrwymo i wella hygyrchedd ein gwefan ac yn croesawu eich adborth. Os byddwch yn dod ar draws unrhyw rwystrau hygyrchedd neu’n cael anhawster gydag unrhyw ran o’r safle hwn, cysylltwch â ni ac fe wnawn ein gorau i’ch cynorthwyo a darparu’r wybodaeth sydd ei hangen arnoch mewn fformat hygyrch.

Os nad ydych yn fodlon gyda’n hymateb, byddwn yn parhau i weithio gyda chi i ddod o hyd i ateb addas.