Archwilio effeithiau byd-eang y newid yn yr hinsawdd gyda Mbale, Uganda
Rydym wedi sefydlu cysylltiadau gydag ysgol yn Mbale, Uganda trwy brosiect PONT / Elusen Maint Cymru. Trefnodd PONT bod Eleanor, ein cydlynydd cyswllt â Mbale a’i chydweithwyr sydd yn athrawon, yn ymweld â ni.
Dysgodd yr ysgol gyfan gân yn Swahili a dysgu am Mbale cyn yr ymweliad a pharatoi cwestiynau am bryderon am yr hinsawdd, hawliau’r plentyn a diwylliant Affricanaidd. Testun Bl1 oedd Affrica, felly treuliodd ein Hymwelwyr y bore yn y dosbarth, yn sôn am yr anifeiliaid a newidiadau i’r hinsawdd.
Fel ysgol roeddem eisiau cael dealltwriaeth am y ffordd y mae gwledydd eraill yn ymdopi â newid yn yr Hinsawdd a pha hawliau plant sydd wedi eu sefydlu – A oes ganddynt yr un anghenion â ni? Yn ddiweddar, cafodd rhai ardaloedd o Gymru lifogydd ac o’n gwers ddosbarth yn CA2, dioddefodd Mbale lifogydd dinistriol wnaeth effeithio ar eu cartrefi, eu bywydau a sefydlogrwydd economaidd hefyd. Crëwyd posteri fel rhan o Gystadleuaeth Cynhesu Byd-eang Torfaen.
Cododd ymwybyddiaeth o ddiwylliant arall a’r un pryderon yr ydym ni’n eu hwynebu e.e. Newid yn yr hinsawdd, llifogydd. Rydym yn hysbysu’r gymuned sut gallant gynorthwyo gartref, fel helpu i gymryd rhan mewn Diwrnod Gwyrdd sydd yn cynorthwyo pentrefi fel Mbale, gyda Phrosiect Plannu Coed. Mae rhieni a’r gymuned yn cael y wybodaeth ddiweddaraf trwy gylchlythyr yr ysgol, ac mae plant CA2 yn ysgrifennu llythyrau i’n hysgol bartner yn Mbale. Mae wedi cynyddu empathi ac ymwybyddiaeth y plant bod Newid yn yr Hinsawdd yn effeithio ar ein bywydau i gyd, ble bynnag yr ydym yn byw.
’Roedd yn wych clywed ein ffrindiau o Affrica yn dysgu enwau’r anifeiliaid i ni. Helpodd hyn fi i feddwl am ofalu am bopeth – coed ac anifeiliaid hefyd. Eco-Gynrychiolydd y Dosbarth – Blwyddyn 1
Eco-Gynrychiolydd y Dosbarth – Blwyddyn 1
Pwysleisiodd ein hymwelwyr bwysigrwydd partneriaeth – pawb yn cydweithio dros yr un achos ar draws y byd. Miss Galeozzi – Eco-Gydlynydd
Miss Galeozzi – Eco-Gydlynydd
Ein nod yw parhau â’n Cysylltiadau, gan ganolbwyntio ar brosiect a pharhau i sefydlu Dinasyddiaeth Fyd-eang yn ein cynllunio. Byddwn yn canolbwyntio ar godi ymwybyddiaeth o effeithiau newidiadau i’r hinsawdd a hawliau plant – yn arbennig yr hawl i gael addysg, dŵr glân, bwyd a lloches.
Fel ysgol, byddwn yn parhau i gefnogi’r elusen Maint Cymru, a chymryd rhan mewn Digwyddiadau Newid yn yr Hinsawdd.
Gallwch ganfod sut mae ysgolion yn eich ardal chi’n ei wneud ar y rhaglen Eco-Sgolion.
Ymuno â digwyddiad neu weminar, cofrestru eich diddordeb, neu ddysgu sut i wneud cais am wobr.