Roedd y disgyblion eisiau mwy o ddewis o fathau gwahanol o fwyd ar draws y byd a dewisiadau iachach. Dywedodd y disgyblion, i hyn i ddigwydd, y byddai angen i fwy o ddisgyblion ddewis cinio ysgol yn hytrach na dod â phecyn bwyd, fyddai, yn ein barn ni, yn lleihau’r gwastraff oedd yn cael ei weld wrth i bobl ddod â phecyn bwyd yn ogystal â’r gwastraff o ginio yr oedd y disgyblion yn dweud nad oeddent yn ei hoffi.
Cyflwynwyd llawer o syniadau ond trafodwyd y syniad o ddiwrnod dim cig, oedd yn un o heriau Eco-Sgolion Platinwm y llynedd. Gofynnwyd i gynrychiolwyr yr Eco-Gyngor a’r Cyngor Ysgol drafod y materion gyda’u dosbarth a rhoi adborth yn ystod cyfarfodydd. Cafodd y disgyblion oedd yn dod â phecyn bwyd gynnig profi’r bwydydd newydd oedd yn cael eu cynnig.
Yn wreiddiol, roedd hwn yn fater ddaeth o gyngor yr ysgol ac a godwyd wedyn mewn cyfarfod o’r Eco-Bwyllgor. Roedd y disgyblion yn anfodlon am y dewisiadau oedd ar gael iddynt amser cinio ac eisiau mwy o amrywiaeth a dewisiadau iachach hefyd. Roeddent hefyd eisiau lleihau faint o wastraff bwyd oedd yn cael ei greu.
Mae ein cinio ysgol yn teimlo mwy fel mynd i fwyty bob dydd nawr. Sophia – Blwyddyn 9
Sophia – Blwyddyn 9
Mae’r cinio ysgol yn bendant yn fwy amrywiol nawr ac rwy’n falch bod cymaint o ddewisiadau iach yn ogystal â dewisiadau llysieuol. Mrs DeCruz (RS)
Mrs DeCruz (RS)
Rwy’n dwlu ar y ciniawau thema a rhoi cynnig ar fwyd o bob cwr o’r byd. Will – Blwyddyn 8
Will – Blwyddyn 8
Yr effaith fwyaf a welwyd oedd nifer gynyddol y disgyblion oedd yn dewis cael cinio yn yr ysgol. Cynyddodd y % o 54% ar ddechrau 2017/2018 i 82% ar ddiwedd y flwyddyn ysgol. Mae’r fwydlen bellach yn llawer mwy amrywiol o un wythnos i’r llall ac yn cynnwys diwrnodau thema ar draws y byd yn ôl cais y disgyblion! Mae staff y ffreutur hefyd yn gwisgo i fyny ar rai o’r diwrnodau hyn! Mae staff y ffreutur hefyd wedi dweud eu bod wedi gweld gostyngiad mawr mewn gwastraff bwyd ers cyflwyno’r dewisiadau newydd ar y fwydlen.
Mae’r adborth gan ddisgyblion am y newid hwn wedi bod yn gadarnhaol iawn. Mae’r disgyblion bellach yn siarad yn gadarnhaol am y bwyd yn yr ysgol ac yn trafod pa fwyd sydd ar y fwydlen bob wythnos ac o ble mae’n dod. Un ffefryn oedd paella a chafwyd cais i gael hwn ar y fwydlen yn amlach. Mae’r bwyd sydd yn cael ei weini yn fwy lleol hefyd lle y bo’n bosibl.
Find out how schools in your area are doing on the Eco-Schools programme
Join an event or webinar, register your interest, or learn how to apply for an award.
