Mae Eco-Sgolion yn cael cymorth neilltuol gan Swyddog Eco-Sgolion Cadwch Gymru’n Daclus a chânt eu tywys trwy raglen, proses ymgeisio a gwobrau Eco-Sgolion. Y peth gwych am y rhaglen yw bod lle bob amser i ddatblygu’r gwaith anhygoel y mae myfyrwyr yn ei wneud, yn ystod pob cam.
I gynyddu llwyddiant, mae ein holl Eco-Sgolion yn gweithio trwy saith cam (a restrir isod). Unwaith y mae ysgol wedi sefydlu’r broses hon ac wedi casglu tystiolaeth o’u cynnydd, gallant wneud cais am Wobr Eco-Sgolion – achrediad a gydnabyddir yn rhyngwladol.
Am arweiniad manwl am y broses Eco-Sgolion, lawrlwythwch ein canllaw cam wrth gam.
Gallwch chi weld mwy o wybodaeth am y saith cam isod neu gwyliwch ein fideos sy’n dangos pob cam ar waith.
Mae’r Cydlynydd Eco yn hwyluso’r rhaglen Eco-Sgolion yn yr ysgol.
Dechrau eich taith Eco-Sgolion drwy gofrestru eich ysgol heddiw.
Bydd y grŵp hwn yn cynrychioli safbwyntiau’r ysgol gyfan ac yn gweithredu fel y canolbwynt a fydd yn gyrru’r gwaith ymlaen ac yn trafod y cynnydd. Bydd yr Eco-Bwyllgor yn gweithio hefyd i gadw proffil y rhaglen Eco-Sgolion yn uchel.
Pwrpas yr adolygiad yw helpu’r Eco-Bwyllgor i feddwl am ffyrdd o geisio sicrhau bod yr ysgol yn lleihau ei heffaith ar yr amgylchedd. Trwy gynnal adolygiad cynhwysfawr bydd modd sicrhau na fydd unrhyw feysydd sylweddol o ran effaith yn cael eu hanwybyddu. Yna, ar sail canlyniadau’r adolygiad, bydd Cynllun Gweithredu’n cael ei lunio.
Pam fod angen Cynllun Gweithredu? Mae’n bwysig iawn eich bod yn trefnu eich syniadau gan ffurfio cynllun gweithredu. Wrth greu’r cynllun byddwch yn medru sicrhau eich bod yn cynnwys nifer realistig o weithgareddau a gweithio allan sut i fonitro a mesur cynnydd eich gweithredoedd. Mae cynllun gweithredu CAMPUS yn helpu pawb i ganolbwyntio.
Pam Monitro a Gwerthuso? Er mwyn canfod a ydych yn llwyddo i gyflawni’r targedau sydd yn eich cynllun gweithredu rhaid monitro a mesur eich cynnydd. Bydd hynny’n caniatáu i chi werthuso llwyddiant eich gweithgareddau a chynllunio i wneud newidiadau er mwyn sicrhau eich bod yn dal i weithio tuag at gyflawni eich targedau.
Pam Hysbysu a Chynnwys? Mae’n bwysig bod cymaint o bobl ag y bo modd yn gwybod am eich gweithgareddau ac yn cymryd rhan ynddynt. Wrth gael mwy o bobl yn cymryd rhan yn eich Eco-Weithredoedd bydd yr effaith a’r hwyl yn fwy!
Pam bod angen Eco-Gôd? Mae Eco-Gôd yn ffordd hwyliog o grynhoi prif amcanion Eco-Bwyllgor yr Ysgol. Dylid ei gyflwyno mewn ffurf sydd yn ystyrlon i’r disgyblion a’r ysgol gyfan. Gellir ei ddefnyddio i godi proffil yr Eco-Bwyllgor a thargedau’r cynllun gweithredu a dylid ei adolygu’n rheolaidd i sicrhau ei fod yn dal yn berthnasol ac yn gyfarwydd.
Pam cysylltu â’r cwricwlwm? Drwy sicrhau bod y broses Eco-Sgolion yn cael ei gysylltu â chwricwlwm yr ysgol yn hytrach na’i gadw’n weithgaredd ar wahân ar gyfer y grŵp bach sydd ar yr Eco-Bwyllgor fe gyflwynir ADCDF. Mae hefyd yn sicrhau bod aelodau eraill o’r staff yn cefnogi’r gwaith. Bydd disgyblion yr ysgol gyfan yn deall sut yr ymdrinnir â phroblemau amgylcheddol real mewn sefyllfaoedd real.
Ydych chi’n chwilio am esiamplau, mwy o gyd-destun neu ysbrydoliaeth ar eich taith Eco-Sgolion? Edrychwch ar ein fideos rhagarweiniol sy’n dangos yn union beth sydd ei angen ar bob cam y broses. Mae’r fideos hyn yn dangos enghreifftiau go iawn o sut mae ysgolion dros Gymru wedi cwblhau ac elwa o bob un o’r saith cam.
