Nawdd Her Hinsawdd Cymru

Rydym yn falch o fod yn rhan o’r mudiad byd-eang a ysbrydolwyd gan Wobr Earthshot, menter fawreddog a lansiwyd gan Dywysog Cymru a’r Sefydliad Brenhinol yn 2020.

Wedi’i seilio ar bum “Earthshot” uchelgeisiol, mae’r Wobr yn nodi nodau beiddgar i fynd i’r afael â heriau amgylcheddol mwyaf dybryd y blaned erbyn 2030. Mae’n cydnabod ac yn gwobrwyo atebion arloesol sydd â’r pŵer i atgyweirio ac adfywio ein byd cyn iddi fod yn rhy hwyr.

Pam cefnogi Cadwch Gymru’n Daclus?

Mae Cadwch Gymru’n Daclus yn un o’r elusennau amgylcheddol mwyaf sy’n gweithio yng Nghymru.

Mae gennym rwydwaith o dros 200,000 o wirfoddolwyr, ac rydym yn cefnogi ysgolion, grwpiau cymunedol a byddin o sefydliadau o’r un anian bob dydd i wella ansawdd amgylchedd Cymru.

Pam noddi Her Hinsawdd Cymru?

Cyfle i gefnogi pobl ifanc Cymru i chwarae rhan actif mewn:

Addusg amgylcheddol
Arloesedd
Atebion sy’n seiliedig ar natur
Gweithredu ar newid hinsawdd

Profiad hollol fythgofiadwy. Roedd y gwaith caled (a’r hwyl) yn arwain at y gystadleuaeth yn anhygoel. Roedd y digwyddiad yn gwbl ysbrydoledig. Roedd yn ddiddorol gweld syniadau newydd a chwrdd â phobl o’r un anian sy’n gofalu am ein hamgylchedd.
Fleur Jones Blwyddyn 9, Ysgol Uwchradd Gwernyfed

Cafodd ein prosiect ei ysbrydoli gan y materion a godwyd yn ein Cynhadledd Hinsawdd COP flynyddol (Cynhadledd Pennar), felly mae’r gwaith wedi’i arwain yn wirioneddol gan y dysgwyr. Mae pob disgybl ac aelod o staff wedi bod yn rhan o’r gwaith hwn, ac mae’n parhau yn yr ysgol. Rydym wrth ein bodd bod eu gwaith caled a’u hymroddiad wedi cael eu cydnabod yng ngwobrau Her Hinsawdd Cymru.

Mae wedi bod yn hynod ysbrydoledig gweld yr holl waith gwych sy’n digwydd mewn ysgolion ledled Cymru, ac mae wedi rhoi llawer o syniadau i ni ar gyfer yr hyn yr hoffem ganolbwyntio arno y flwyddyn nesaf.
S. Taylor Athro, Ysgol Gynradd Gymunedol Pennar

Yr Earthshots

Rhaid i’r cystadleuwyr ddewis un o bum thema Earthshot ar gyfer eu fideo Her Hinsawdd Cymru:

Adeiladu Byd Diwastraff
Glanhau Ein Haer
Trwsio Ein Hinsawdd
Adfywio ac Adfer Natur
Adfywio Ein Cefnforoedd

Nawdd Teitl

Her Hinsawdd Cymru 2027 – Noddir gan (enw eich cwmni)

Mae nawdd teitl yn gyfle unigryw i sefyll o flaen ysgolion ledled Cymru a dangos cefnogaeth eich sefydliad i’r gwaith sy’n cael ei wneud i fynd i’r afael â’n heriau hinsawdd pwysig.

Mae hefyd yn blatfform cadarnhaol i dynnu sylw at y gwaith rydych yn ei wneud i gefnogi cynaliadwyedd, effaith gymunedol ac arloesedd amgylcheddol.

Gweithgarwch cyn y digwyddiad

Enw eich cwmni yn cael ei gynnwys yn nheitl y digwyddiad: Her Hinsawdd Cymru 2027 wedi’i noddi gan [enw eich cwmni]
Eich logo i ymddangos ar bob deunydd digidol ac argraffedig
Adran bwrpasol ar dudalennau’r Her ar wefan Cadwch Gymru’n Daclus
Datganiad i’r wasg yn cael ei rannu gyda’r wasg a’r cyfryngau cenedlaethol yn cyhoeddi eich cefnogaeth
Tudalen noddwr yn rhaglen ddigidol y seremoni
Enw a logo eich sefydliad ar bob deunydd print, digidol a chyfryngau cymdeithasol sy’n gysylltiedig â’r Her
Gwahoddiad i fod yn rhan o’r panel(au) beirniadu i gytuno ar yr enillwyr