Eco-Sgolion

Eco-Sgolion

Mae Eco-Sgolion yn rhaglen fyd-eang sy’n ymgysylltu dros 20 miliwn o blant ar draws mwy na 100 o wledydd, sy’n golygu mai hon yw’r rhaglen addysg amgylcheddol fwyaf ar y blaned.

Datblygwyd gan y Sefydliad Addysg Amgylcheddol (FEE) ym 1994 ac fe’i cynhelir yng Nghymru gan Gadwch Gymru’n Daclus.

Mae wedi ei ddylunio i rymuso ac ysbrydoli pobl ifanc i wneud newidiadau amgylcheddol cadarnhaol i’w hysgol a’r gymuned ehangach, tra’n datblygu eu sgiliau allweddol, yn cynnwys rhifedd a llythrennedd, a chwmpasu Addysg ar gyfer Datblygu Cynaliadwy a Dinasyddiaeth Fyd-eang.

Sut mae'n gweithio?

Mae ein holl Eco-Sgolion yn gweithio trwy saith cam. Unwaith y mae ysgol wedi sefydlu’r broses hon ac wedi casglu tystiolaeth o’u cynnydd, gallant wneud cais am Wobr Eco-Sgolion – achrediad a gydnabyddir yn rhyngwladol.

Dysgwch fwy am sut mae’n gweithio.

Cam 1

Ffurfio Eco-Bwyllgor

Bydd y grŵp hwn yn cynrychioli safbwyntiau’r ysgol gyfan ac yn gweithredu fel y canolbwynt a fydd yn gyrru’r gwaith ymlaen ac yn trafod y cynnydd.

Cam 2

Cynnal Adolygiad Amgylcheddol

Pwrpas yr adolygiad yw helpu’r Eco-Bwyllgor i feddwl am ffyrdd o geisio sicrhau bod yr ysgol yn lleihau ei heffaith ar yr amgylchedd.

Cam 3

Datblygu Cynllun Gweithredu

Wrth greu’r cynllun byddwch yn medru sicrhau eich bod yn cynnwys nifer realistig o weithgareddau a gweithio allan sut i fonitro a mesur cynnydd eich gweithredoedd.

Cam 4

Monitro a Gwerthuso

Er mwyn canfod a ydych yn llwyddo i gyflawni’r targedau sydd yn eich cynllun gweithredu rhaid monitro a mesur eich cynnydd.

Cam 5

Hysbysu a Chynnwys

Mae’n bwysig bod cymaint o bobl ag y bo modd yn gwybod am eich gweithgareddau ac yn cymryd rhan ynddynt.

Cam 6

Creu Eco-Gôd

Mae Eco-Gôd yn ffordd hwyliog o grynhoi prif amcanion Eco-Bwyllgor yr Ysgol. Dylid ei gyflwyno mewn ffurf sydd yn ystyrlon i’r disgyblion a’r ysgol gyfan.

Cam 7

Cysylltu â’r Cwricwlwm

Drwy sicrhau bod y broses Eco-Sgolion yn cael ei gysylltu â chwricwlwm yr ysgol yn hytrach na’i gadw’n weithgaredd ar wahân ar gyfer y grŵp bach sydd ar yr Eco-Bwyllgor fe gyflwynir ADCDF.

Saith cam i lwyddiant

Dysgwch fwy o wybodaeth am y saith cam i lwyddiant.

Sut mae’n gweithio

Cael eich ysbrydoli

Dewch i ddarllen ein straeon ysgogwyr newid diweddaraf – mae’n arddangos yr ymgyrchoedd a'r prosiectau ysbrydoledig sy'n cael eu harwain gan ddysgwyr mewn Eco-Sgolion ledled Cymru.

Gweld y cyfan

Adnoddau

Rydym am ysbrydoli a grymuso pobl ifanc i ysgogi newid amgylcheddol cadarnhaol.

Mae ein hadnoddau am ddim wedi’u cynllunio gan ein tîm addysg arbenigol ar gyfer ysgolion cynradd, ysgolion uwchradd a theuluoedd.

Gweld ein hadnoddau

Cymerwch ran

Cymerwch ran mewn ymgyrch, ymunwch â gwers fyw, a daliwch i fyny â hyfforddiant diweddar. Un o'r pethau gwych am Eco-Sgolion yw bod lle i ddatblygu bob amser. Rydym yn cynnig rhaglen o sesiynau hyfforddi am ddim a gwersi byw i'ch helpu i wneud hynny.

Gweld y cyfan