Mae ein Map Effaith Gymunedol yn gadael i chi weld y gwaith anhygoel y mae unigolion, grwpiau a sefydliadau angerddol yn ei wneud i ofalu am amgylchedd Cymru.
Mae’r gweithgareddau wedi cael eu cofnodi gan Arwyr Sbwriel, grwpiau cymunedol, Hybiau Codi Sbwriel, Ardaloedd Di-sbwriel a phartneriaid ar ein system adrodd eCyfrif Cymru.
Mae’n ffordd o weld y darlun cyflawn a dathlu grym gwirfoddoli!
Mae’r map a’r ffigurau isod yn cynnwys gweithgareddau a gofnodwyd gan bawb ers 2019.
I ddechrau, bydd yn rhoi cipolwg o’r gweithgareddau sydd wedi digwydd ledled Cymru dros y mis diwethaf, ond mae’n hawdd addasu’r hyn yr ydych yn ei weld.
Dyma eich canllaw i archwilio’r map:
Os oes gennych unrhyw gwestiynau neu os oes angen cymorth pellach arnoch, cysylltwch â’n Tîm Data yn data@keepwalestidy.cymru
Noder, nid yw’r Map Effaith Gymunedol yn dangos gwybodaeth ‘fyw’ am ei bod yn cymryd amser i’w choladu, ei gwirio ac i ddadansoddi’r data. Byddwn yn gwneud ein gorau i’w diweddaru yn wythnosol ond byddwch yn amyneddgar.
Os hoffech ddileu eich data o’r map, anfonwch e-bost at y tîm yn data@keepwalestidy.cymru. Chi sy’n rheoli’r sefyllfa bob amser.
Yn Cadwch Gymru’n Daclus rydym yn falch o weithredu’n ddwyieithog ac wedi ymrwymo i ddatblygu ein defnydd o’r Gymraeg. Mae data ar y Map Effaith Gymunedol yn ymddangos yn yr iaith y cafodd ei gyflwyno.
Yn anffodus, gan ein bod yn defnyddio llwyfan allanol i arddangos y data hwn, nid oes gennym y gallu i ddarparu gwasanaeth cwbl ddwyieithog. Byddwn yn parhau i chwilio am ffyrdd o wella hyn.
