Rhannwch eich canlyniadau

Mae eCyfrif Cymru yn ffurflen hawdd i’w defnyddio ar ein gwefan.

Nid oes angen unrhyw fanylion cyfrif na mewngofnodi; mae’r ffurflen yn cymryd dwy funud i’w llenwi, a gellir ei llenwi ar gyfrifiadur neu ddyfais symudol, dim ond cysylltiad â’r rhyngrwyd sydd ei angen arnoch.

Mae wedi cael ei ddatblygu a’i brofi ar y cyd â gwirfoddolwyr i helpu i sicrhau bod y broses mor gyflym a syml â phosibl. Bydd llai o amser yn adrodd, gobeithio, yn golygu y gallwch dreulio mwy o amser yn gofalu am eich amgylchedd lleol.

Rydym yn defnyddio data eCyfrif Cymru i arwain ein gwaith ac i ddangos effaith gwirfoddoli i lywodraethau a busnesau.

Mae ein Map Effaith Gymunedol yn gadael i chi weld y gweithgareddau sydd wedi cael eu cofnodi gan Arwyr Sbwriel, grwpiau cymunedol, Hybiau Codi Sbwriel, Ardaloedd Di-sbwriel a phartneriaid eraill mewn amser real.

Byddwn hefyd yn dathlu canlyniadau cyffredinol eCyfrif Cymru yn rheolaidd ar ein sianeli cymdeithasol ac yn y cyfryngau.

Ewch i’r Map Effaith Gymunedol i archwilio ac allforio eich data. Mae’r map yn cynnwys gweithgareddau a gofnodwyd gan bawb ers 2018.

Gallwch ddefnyddio’r data a gasglwyd i gefnogi eich cais eich hun am grant, neu i gael hanes cyson a dibynadwy o’ch gweithgaredd i’w rannu gyda’ch cymuned leol, gwneuthurwyr polisïau a chynllunwyr

Nid yw Epicollect ar gael mwyach. Gwnaed y newid ar 1 Gorffennaf 2024 ac rydym bellach yn annog pawb i ddefnyddio eCyfrif Cymru.

Rydym wir yn credu bod eCyfrif yn llawer cyflymach a haws i’w ddefnyddio.

Peidiwch â phoeni, nid yw’r data y gwnaethoch ei gyflwyno i Epicollect wedi cael ei ddileu. Mae eich data i gyd nawr ar gael ar y Map Effaith Gymunedol.

Os oes gennych unrhyw gwestiynau neu bryderon, cysylltwch â’n Tîm Data yn data@keepwalestidy.cymru 

Rydym yn hyderus bod y system yn hawdd i’w defnyddio — ond os yw rhywbeth yn aneglur neu os ydych yn dod ar draws problem, mae ein Tîm Data yma i helpu.

Peidiwch ag oedi cyn cysylltu! Anfonwch e-bost at data@keepwalestidy.cymru