Cyflwyniad i Archifo Digidol gyda Chasgliad y Werin Cymru

Eisiau helpu i warchod hanes lleol? Ymunwch â ni am sesiwn hyfforddi awr o hyd am ddim, yn archwilio sut y gallwch gymryd rhan yn digideiddio prosiect y Goedwig Hir Drefol.

Bydd y sesiwn yn rhoi cyflwyniad i chi o’r ffordd y gallwn gofnodi a gwarchod gwybodaeth am y prosiect ledled Caerdydd, Caerffili, Castell-nedd Port Talbot a Wrecsam.

Byddwn yn canolbwyntio ar gofnodi coedwrych trefol, arddulliau lleol a phrofiadau gwirfoddolwyr, gan helpu i ddweud eu straeon a sicrhau eu bod ar gael ar gyfer cenedlaethau i ddod.

Beth fydd y sesiwn yn ei gynnwys?

Mae’r hyfforddiant yn cael ei ddarparu gan Casgliad y Werin Cymru, sy’n darparu cymorth wedi ei deilwra am ddim trwy gydol y broses archifo. Byddwch yn cael cyflwyniad i’r canlynol:

• Digideiddio a chefnogi etifeddiaeth leol
• Cyfleu gwybodaeth am brosiect y Goedwig Hir Drefol
• Cofnodi ffotograffau, straeon a phrofiadau gwirfoddolwyr
• Hanfodion gwarchod cofnodion digidol ar gyfer y dyfodol

Does dim angen unrhyw brofiad blaenorol, dim ond diddordeb mewn etifeddiaeth, natur, hanes lleol neu ddysgu sgiliau newydd.

Bydd y sesiwn yn digwydd ar-lein trwy Microsoft Teams. Cadwch le er mwyn cael y ddolen ac ymunwch â ni.

Bydd y sesiwn yn cael ei chyflwyno yn Saesneg, ond os oes gennych unrhyw gwestiynau yn Gymraeg, mae croeso i chi eu hanfon nhw atom ni ymlaen llaw.

Ynglŷn â’r Goedwig Hir Drefol

Mae prosiect y Goedwig Hir Drefol yn diogelu, adfer a dathlu coedwrych a choed hynafol ac aeddfed mewn cymunedau trefol ledled Cymru. Trwy ddod â natur yn agosach at y mannau lle mae pobl yn byw, mae’r prosiect yn helpu i gryfhau mannau gwyrdd lleol, cefnogi bioamrywiaeth, gwella lles ac ysbrydoli balchder cymunedol. Mae gweithgareddau yn digwydd ledled Caerdydd, Caerffili, Castell-nedd Port Talbot a Wrecsam.

Mae’r prosiect, a wnaed yn bosibl diolch i gymorth gan Gronfa Dreftadaeth y Loteri Genedlaethol a chwaraewyr y Loteri Genedlaethol, yn cael ei gyflwyno mewn partneriaeth â Choed Cadw, Addysg Oedolion Cymru, Llais y Goedwig ac awdurdodau lleol.