Natur. Eich ffordd chi.

Dylai pawb gael y cyfle i fwynhau a chael budd o natur.

P’un ai’n cerdded yn eich parc lleol, yn tyfu rhywbeth yn eich cymuned, yn gwirfoddoli yn yr awyr agored, neu yn treulio amser mewn man gwyrdd yn agos at eich cartref, mae cymaint o ffyrdd o gysylltu â natur.

Rydym yn gweithio gyda chymunedau ledled Cymru i ddeall a dileu’r rhwystrau all ei gwneud hi’n fwy anodd i bobl gael mynediad at natur, gan helpu pawb i ddod o hyd i’w ffordd eu hunain o gysylltu â’r byd naturiol.

Archwilio teithiau gyda natur

Mae taith pawb gyda natur yn wahanol.

Gallwch glywed gan bobl ledled Cymru wrth iddyn nhw rannu eu profiadau, y mannau sy’n bwysig iddyn nhw, a’r effaith gadarnhaol y mae natur yn ei chael ar eu bywydau.

Darganfyddwch sut mae natur wedi cefnogi eu lles ac wedi ysbrydoli eu cysylltiadau eu hunain gyda’r awyr agored.

Cymunedau yn creu natur Tasneem a Muqaddasa

Cymryd rhan

Mae sawl ffordd o fwynhau natur, gall edrych yn wahanol i bawb.

O dyfu planhigion a chreu mannau bywyd gwyllt, i archwilio eich parc lleol neu ymuno â phrosiect gardd gymunedol, mae sawl ffordd o gysylltu â natur yn lleol.

P’un ai eich bod yn unigolyn sy’n chwilio am brofiad newydd, yn grŵp cymunedol sydd eisiau creu gardd bywyd gwyllt neu yn sefydliad sydd eisiau cefnogi eich cymuned leol mae cyfle i chi.

Mae gan Cadwch Gymru’n Daclus amrywiaeth o fentrau y gallwch gymryd rhan ynddynt.

Lleoedd Lleol ar gyfer Natur

Gallwch greu natur ar drothwy’r drws. O erddi bach i berllannau a phrosiectau trawsnewid mannau gwyrdd mwy, mae ein pecynnau natur rhagdaledig yn darparu’r planhigion, yr offer, yr adnoddau a’r cymorth arbenigol sydd eu hangen i greu eich gardd newydd.

Darganfod mwy

Y Faner Werdd ar gyfer Parciau

Ewch i ymweld â pharc neu fan gwyrdd sydd wedi ennill Gwobr y Faner Werdd a phrofi rhai o’r mannau awyr agored gorau.

Darganfod mwy

Coedwig Hir Drefol

Gwirfoddolwch gyda Phrosiect y Goedwig Hir Drefol a helpu cymunedau lleol i ofalu am goedwrych a choed hynafol.

Darganfod mwy

Gwirfoddoli

Mae gwirfoddoli’n ffordd wych o dreulio amser yn yr awyr agored, cwrdd â phobl newydd a gwneud gwahaniaeth cadarnhaol yn eich ardal leol.

Ledled Cymru, mae grwpiau cymunedol a gwirfoddolwyr yn creu, adfer a gofalu am natur trwy brosiectau garddio a gweithgareddau eraill i wella mannau gwyrdd.

P’un ai eich bod yn newydd i wirfoddoli neu eisoes yn rhan o grŵp cymunedol, gallwn eich helpu i ddod o hyd i gyfle sy’n iawn i chi.

Gallwch hefyd ddefnyddio’r ffurflen isod i gysylltu â’n tîm a darganfod sut gallwch gysylltu â natur yn eich ardal chi.

Dod o hyd i’ch gardd gymunedol agosaf