Swyddog Cyllid

Prif dasgau

• Prosesu ceisiadau archebion prynu yn y system gyfrifo, gan sicrhau bod y codio’n gywir.
• Derbyn a chofnodi anfonebau cyflenwyr a’u prosesu yn y system gyfrifo, gan sicrhau cywirdeb a’u paru â’r archebion prynu.
• Sefydlu taliadau yn barod i’w cymeradwyo mewn apiau bancio.
• Prosesu trafodion ceisiadau costau.
• Dilysu, gwirio dogfennau ategol am, a cheisio cymeradwyaeth ar gyfer, hawliadau costau staff a rhanddeiliaid neu gyfranogwyr cyfarfodydd eraill. Datrys materion dyrannu codio.
• Derbyn a monitro ceisiadau ar gyfer cyhoeddi anfonebau gwerthu.
• Codi, cofnodi, ac anfon anfonebau gwerthu allan a phrosesu’r rhain yn y system gyfrifo.
• Cynorthwyo gyda thasgau cysoni’r banc.
• Darparu cymorth neu arwain tasgau ariannol adrannol.
• Monitro taflenni amser staff er mwyn paratoi ar gyfer ailgodi tâl mewnol
• Gwneud unrhyw dasgau rhesymol eraill yn unol â chais tîm rheoli Cadwch Gymru’n Daclus.

Mi fydd angen ddangos bod gennych rhai sgiliau, ac mae’r rhain yn cynnwys:

• Y gallu i flaenoriaethu, cynllunio a rheoli llwyth gwaith amrywiol i fodloni terfynau amser caeth.
• Y gallu i ddatblygu perthynas effeithiol gyda staff, timau rheoli a sefydliadau ar bob lefel.
• Lefel uchel o hunangymhelliant a’r gallu i weithio’n effeithiol heb lawer o oruchwyliaeth ac fel rhan o dîm.
• Sgiliau cyfathrebu a threfnu da.
• Yn fedrus yn defnyddio cymwysiadau Microsoft Office.
• Yn aelod hyblyg o dîm gydag ethos cydweithio ac sy’n adnabod buddion gweithio mewn partneriaeth.
• Yn barod i weithio oriau hyblyg, yn ôl yr angen.
• Ymagwedd arloesol ac yn barod i roi cynnig ar ddulliau a syniadau newydd.
• Yn llawn cymhelliant gyda sgiliau rheoli amser a threfnu rhagorol.
• Yn barod i deithio tipyn ledled Cymru yn ôl y galw.

Yn ogystal â’r uchod byddwch yn gyfrifol am reoli eich hun i wneud y canlynol:

• Gweithio yn unol â gwerthoedd a pholisïau Cadwch Gymru’n Daclus bob amser.
• Ymdrechu i gyflawni’r gwerth gorau i’r sefydliad, bob amser.
• Gweithio o fewn cyllidebau y cytunwyd arnynt bob amser.
• Gwneud hyfforddiant mewnol / allanol fel sy’n ofynnol i fodloni gofynion y swydd, anghenion y Cwmni, ac i wella eich hun.
• Cyflwyno gwaith yn unol â therfynau amser a safonau.

Byddai’n wych pe byddech yn gallu cyfathrebu trwy gyfrwng y Gymraeg, ond mae hyn yn ddymunol, nid yn hanfodol.

Bydd angen i chi fod yn barod i deithio oddi cartref yn ôl yr angen hefyd.

Rydym yn cydnabod bod hon yn swydd eang ac amrywiol, ac nid ydym yn disgwyl i’r ymgeiswyr fod â phrofiad helaeth ym mhob maes a restrir uchod. Yr hyn sy’n bwysig yw agwedd gadarnhaol tuag at ddysgu, parodrwydd i dderbyn heriau newydd, ac ymrwymiad i ymgymryd â hyfforddiant a chyfleoedd datblygu. Wrth i’r swydd, yr elusen a’r sector ehangach barhau i esblygu, rydym yn chwilio am rywun sy’n awyddus i dyfu gyda ni.

Os hoffech drafodaeth anffurfiol ar y rôl yn Cadwch Gymru’n Daclus, neu os hoffech yr wybodaeth yma mewn fformat arall, cysylltwch â hr@keepwalestidy.cymru neu ffoniwch 029 20002 5695.

Sut i wneud cais

Rydym yn chwilio am y person iawn ar gyfer y swydd hon – rhywun fydd yn mwynhau gweithio gyda ni a helpu i gyfrannu at ein llwyddiant parhaus.

Os hoffech gael eich ystyried, llenwch y Ffurflen Mynegi Diddordeb isod  lle bydd gofyn i chi gyflwyno datganiad personol, naill ai’n ysgrifenedig neu ar ffurf fideo.

Y dyddiad cau ar gyfer cyflwyno eich Ffurflen Mynegi Diddordeb wedi’i chwblhau yw hanner dydd ar 16 Medi 2026.

Bydd yr ymgeiswyr ar y rhestr fer yn cael gwahoddiad i gwrdd â ni ar 1 Hydref 2026. Bydd hwn yn gyfle i ni glywed mwy am eich profiadau a’ch syniadau.

I’ch helpu chi i baratoi, byddwn yn rhannu’r testunau cyfweld a’r themâu o flaen llaw. Os nad yw’r dyddiad arfaethedig yn addas, byddwn yn gwneud ein gorau i fod yn hyblyg a threfnu dyddiad arall.

Os nad ydych wedi derbyn ymateb oddi wrthym yn eich gwahodd i fynychu cyfweliad erbyn 2 Hydref 2026, dylech gymryd eich bod wedi bod yn aflwyddiannus ar yr achlysur hwn.