Teithio Llesol yn Nhy’n y Wern

Dywedwch wrthym am eich prosiect:

Fel Eco-Ysgol â baner Werdd Blatinwm, mae hyrwyddo teithio llesol yn rhan allweddol o ymrwymiad Ysgol Gynradd Ty’n y Wern i gynaliadwyedd, iechyd, llesiant a lleihau ei heffaith amgylcheddol. Trwy gydol y flwyddyn, mae disgyblion a’u teuluoedd yn cael eu hannog i gerdded, seiclo neu rolio i’r ysgol lle bynnag y bo’n bosibl.

Un o fentrau mwyaf llwyddiannus yr ysgol yw ei Bws Beicio wythnosol sy’n parhau i dyfu. Ar gyfartaledd, mae tua 20 o ddisgyblion, aelodau teuluoedd a staff yn cymryd rhan bob wythnos, gan deithio i’r ysgol gyda’n gilydd mewn ffordd ddiogel, hwylus a chymdeithasol. Yn ogystal, mae’r ysgol yn trefnu teithiau thema yn ystod y flwyddyn megis y digwyddiad Calon Gaeaf “Spook My Ride” gan helpu i wneud teithio llesol yn gyffrous yn ogystal ag annog hyd yn fwy o deuluoedd i gymryd rhan yn y fenter.

Yn ystod yr ymgyrch Stroliwch a Rholiwch, rhoddodd yr ysgol fwy o ffocws ar deithio llesol yn ystod gwasanaethau dyddiol, gweithgareddau dosbarth, cystadlaethau a chymhellion, gan ddathlu disgyblion sy’n dewis teithio’n llesol i’r ysgol.

Beth wnaethoch chi a sut wnaethoch chi gynnwys yr ysgol gyfan?:

Cafodd teithio llesol ei hyrwyddo ar draws yr ysgol gyfan trwy wasanaethau, trafodaethau dosbarth a chyfathrebu rheolaidd gyda theuluoedd trwy Seesaaw a chylchlythyr yr ysgol. Cymerodd pob dosbarth ran yn yr her Stroliwch a Rholiwch gydag anogaeth ddyddiol a diweddariadau gan helpu i gadw cymhelliant yn uchel trwy gydol yr ymgyrch.

Rhoddodd y Bws Beicio wythnosol gyfle i ddisgyblion, rhieni, gofalwyr a staff deithio i’r ysgol gyda’i gilydd, gan adeiladu hyder wrth seiclo ar yr un pryd â chryfhau cysylltiadau yn y gymuned leol. Ychwanegodd ddigwyddiadau thema gan gynnwys ‘Spook My Ride’, elfen o hwyl a chreodd gyfleoedd i deuluoedd newydd gymryd rhan yn yr ymgyrch.

Cynigiodd yr ysgol wobrau ar gyfer teithio llesol er mwyn cynnal brwdfrydedd yn ystod yr ymgyrch Stroliwch a Rholiwch, dathlwyd y rhai a gymerodd rhan mewn gwasanaethau a chafodd lwyddiannau eu rhannu ar draws yr ysgol. Roedd gwobrau’n cynnwys beiciau , sgwteri a ddaeth o fusnesau lleol.

Trwy gynnwys disgyblion, staff a theuluoedd, daeth teithio llesol yn fenter ysgol gyfan go iawn yn hytrach na her unigol.

Sut a pham wnaethoch chi benderfynu ar y targed hwn?:

Roedd Ysgol Ty’n y Wern am leihau effaith amgylcheddol teithiau i’r ysgol gan wella iechyd, llesiant ac annibyniaeth disgyblion,  gan ei bod yn Eco-Ysgol, Ysgol Galon y Gymuned ac Ysgol Teithiau Llesol Aur.

Mae annog mwy o deuluoedd i gerdded, beicio neu sgwtera yn helpu i leihau tagfeydd traffig o gwmpas yr ysgol, lleihau allyriadau carbon a hyrwyddo ffyrdd o fyw iachach. Er bod llawer o ddisgyblion eisoes yn teithio’n llesol, wnaeth yr ysgol gydnabod bod yn le i wella cyfranogiad o hyd.

Felly, cafodd teithio llesol ei nodi’n darged pwysig gan ei fod yn cefnogi nodau amgylcheddol yr ysgol yn ogystal ag iechyd a llesiant y gymuned ehangach.

Sut mae’r prosiect wedi effeithio ar eich ysgol a’ch cymuned?:

Mae’r prosiect wedi cael effaith gadarnhaol iawn ar draws yr ysgol a’r gymuned ehangach. Yn ystod yr ymgyrch Stroliwch a Rholiwch, cynyddodd ganran y disgyblion a oedd yn teithio’n llesol o 69% i 83%, gan ddangos y gwahaniaeth mae hyrwyddo wedi’i ffocysu, anogaeth a synnwyr o gyfranogiad a rennir yn gallu eu gwneud.

Mae’r Bws Beicio yn parhau i dyfu gyda thua 15-20 o unigolion yn cymryd rhan bob wythnos. Mae wedi helpu teuluoedd i deimlo’n fwy hyderus am feicio i’r ysgol, wedi cryfhau perthnasoedd rhwng yr ysgol a’r gymuned ehangach, ac wedi creu amgylchedd cadarnhaol a chymdeithasol ar ddechrau bob diwrnod ysgol.

Yn ogystal, mae’r prosiect wedi codi ymwybyddiaeth am deithio cynaliadwy ac wedi annog teuluoedd i ystyried gwneud newidiadau tymor hir i’w harferion teithio.

Sut wnaethoch chi ddathlu llwyddiant a beth yw eich camau nesaf?:

Gwnaeth yr ysgol ddathlu cyflawniadau’r disgyblion yn ystod ymgyrch Stroliwch a Rholiwch trwy wasanaethau, cynnig gwobrau a chanmoliaeth gadarnhaol. Roedd digwyddiadau thema’r Bws Beicio megis “Bling My Ride” wedi darparu cyfleoedd llawn hwyl i ddathlu teithio llesol a chynnal brwdfrydedd yn ystod y flwyddyn.

Y camau nesaf yw parhau i dyfu’r Bws Beicio trwy gyflwyno llwybr newydd, trefnu mwy o deithiau thema yn ystod y flwyddyn ac annog hyd yn oed mwy o deuluoedd i gymryd rhan mewn teithio llesol. Bydd yr ysgol yn parhau i fonitro cyfranogiad ac edrych am ffyrdd newydd i wneud teithio cynaliadwy yn rhan bleserus a rheolaidd o fywyd yr ysgol.

A oes unrhyw beth arall yr hoffech chi rannu am y prosiect hwn?:

Mae’r prosiect hwn wedi dangos bod camau bach, cyson yn gallu arwain at newid sylweddol. Trwy wneud teithio llesol yn hwyl, cynhwysol ac wedi’i ganolbwyntio ar y gymuned, mae Ty’n y Wern wedi helpu i greu arferion parhaol sydd o fudd i ddisgyblion a’r amgylchedd.

Mae’r brwdfrydedd a gafodd ei dangos gan ddisgyblion, staff a’u teuluoedd yn dangos sut mae cynaliadwyedd wedi’i ymgorffori o fewn diwylliant yr ysgol. Mae’r prosiect yn adlewyrchu ymrwymiad parhaus Ty’n y Wern fel Ysgol Blatinwm Faner Werdd, Ysgol Galon y Gymuned ac Ysgol Teithiau Llesol Aur, yn ogystal â dangos sut y gall gydweithio droi teithio llesol yn rhan gadarnhaol o fywyd bob dydd yr ysgol.