Lles mewn Natur gyda Coed Danu CIC

Ymunwch â ni am sesiwn Holi ac Ateb fydd yn archwilio’r cysylltiad rhwng natur a lles emosiynol.

Bydd Elise Hughes, cyd-sylfaenydd Coed Danu CIC ac Ymarferydd Lles Emosiynol, yn ymuno â ni. Mae ei gwaith hi’n cyfuno seicoleg, ymwybyddiaeth o’r system nerfol a chysylltiad natur. Hefyd yn ymuno â ni bydd Tracy Hill, storïwr, ymarferydd creadigol a chyd-sylfaenydd Coed Danu CIC, sy’n defnydio stori a chreadigrwydd i helpu pobl i arafu, ailgysylltu a dod o hyd i ystyr.

Byddant yn sgwrsio gyda Morgan, Cydlynydd y Goedwig Hir Drefol, am eu profiadau ac yn rhannu cyngor ymarferol am y ffordd y gall treulio amser gyda natur gefnogi ein lles.

Oes cwestiwn gyda chi ar gyfer Elise neu Tracy? E-bostiwch ni yn longforest@keepwalestidy.cymru a gallwn eu cyflwyno iddynt yn ystod y sesiwn Holi ac Ateb.

Gwylio’n fyw

Bydd y weminar yn cael ei ffrydio’n fyw ar dudalen Facebook y Goedwig Hir Drefol, sianel Cadwch Gymru’n Daclus ar YouTube ac yma ar y dudalen digwyddiadau hon, does dim angen cadw lle. Cadwch y dudalen hon ar eich calendr ac ymunwch â ni yn fyw ar y diwrnod.

Dilynwch dudalen y Goedwig Hir Drefol ar Facebook a thanysgrifiwch i sianel YouTube Cadwch Gymru’n Daclus er mwyn gwneud yn siŵr nad ydych yn ei cholli. Gallwch hefyd droi hysbysiadau YouTube ymlaen trwy glicio ar y gloch.

• Tudalen Facebook Y Goedwig Hir Drefol
• Sianel YouTube Cadwch Gymru’n Daclus

Ynglŷn â’r Goedwig Hir Drefol

Mae prosiect Y Goedwig Hir Drefol yn diogelu, yn adfer ac yn dathlu coedwrych a choed hynafol ac aeddfed mewn cymunedau trefol ledled Cymru. Trwy ddod â natur yn agosach at y mannau lle mae pobl yn byw, mae’r prosiect yn helpu i gryfhau mannau gwyrdd lleol, cefnogi bioamrywiaeth, gwella lles ac ysbrydoli balchder cymunedol. Mae gweithgareddau yn digwydd ledled Caerdydd, Caerffili, Castell-nedd Port Talbot a Wrecsam.

Gwnaed yn bosibl diolch i gefnogaeth gan Gronfa Dreftadaeth y Loteri Genedlaethol a chwaraewyr y Loteri Genedlaethol, ac mae’r prosiect hwn yn cael ei gyflwyno mewn partneriaeth â Coed Cadw, Addysg Oedolion Cymru, Llais y Goedwig ac awdurdodau lleol.

Gyda’n gilydd, rydym yn cyd-ddylunio ac yn cyflwyno rhaglen addysg, hyfforddiant a gweithredu ymarferol ar gadwraeth.

Rhowch nodyn atgoffa yn eich calendr ac ymunwch â ni am noson o sgwrsio am les, natur a chyngor ymarferol gan Coed Danu CIC. Ni ddylid ei cholli!