Datganiad gan Cadwch Gymru’n Daclus ar benderfyniad Llywodraeth Cymru i beidio ag ymuno â’r cynllun CDE ar draws y DU

Nôl yn 2006, galwodd Cadwch Gymru’n Daclus am Gynllun Dychwelyd Ernes (CDE) gorfodol ar gyfer cynwysyddion diodydd plastig, gwydr a metel. Ddeunaw mlynedd yn ddiweddarach, rydym yn dal wedi ein siomi gyda phenderfyniad Llywodraeth y DU i beidio â chynnwys gwydr yn eu cynlluniau.

Mae Cadwch Gymru’n Daclus yn cefnogi penderfyniad Llywodraeth Cymru i adael CDE Llywodraeth y DU, gan eu galluogi i weithredu cynllun sy’n cyd-fynd ag uchelgais mentrus Cymru ar gyfer ailgylchu ac ailddefnyddio. Mae Cymru yn parhau i arwain lle mae eraill ar ei hôl hi, yn hyrwyddo system gyflawn sydd yn atgyfnerthu ein henw da fel arweinwyr ailgylchu byd-eang.

Er bod yr oedi’n rhwystredig, y penderfyniad hwn yw’r un cywir i Gymru yn yr hirdymor. Gyda rhai o’r cyfraddau ailgylchu uchaf yn y byd, byddai mabwysiadu system nad yw’n cynnwys gwydr nid yn unig yn cynnig gwerth gwael am arian ond hefyd yn lleihau effaith bosibl y cynllun yn sylweddol.

Mae CDE wedi ei ddylunio’n dda yn dda i natur, yn dda i gymunedau, ac yn dda i economi’r dyfodol. Dewch i ni gyflawni hynny.