CYMERWCH GIP AR EIN RHAGLEN NEWYDD, ECO-TOTS CYMRU
Rydym yn gweithredu i wneud gwahaniaeth cadarnhaol ac mae ein gwaith yn amrywiol iawn.
Rydym yn gweithredu’n ymarferol, yn cyflwyno addysg amgylcheddol, hyfforddiant, gwasanaethau busnes ac atebion amgylcheddol ar hyd a lled Cymru.
Darganfod mwy
Ni allwn wneud hyn ar ein pen ein hunain. Rydym yn elusen, sy’n golygu ein bod yn dibynnu ar garedigrwydd, ewyllys da a chefnogaeth y cyhoedd a’r partneriaid yr ydym yn gweithio gyda nhw.
Rhagor o wybodaeth
Mae ein hadnoddau wedi’u datblygu mewn cydweithrediad ag ymarferwyr blynyddoedd cynnar ac wedi’u llunio o amgylch chwe thema – Tîm Taclus, Bywyd Gwyllt Bendigedig, Ceidwad Ynni, Coed Campus, Arbed ac Ailddefnyddio, a Dechrau o Hedyn.
Mae pob thema yn cynnig amrywiaeth o weithgareddau hwyliog ac ymarferol a fydd yn helpu i sbarduno chwilfrydedd ac yn helpu plant ifanc i adeiladu cysylltiad â’r byd naturiol a’n hamgylchedd.
Er mwyn cefnogi dealltwriaeth mewn ffordd hygyrch, mae pob thema yn cynnwys ei chân wreiddiol ei hun, ochr yn ochr â’n prif syniadau gweithgareddau, gwybodaeth i ymarferwyr, ac adnoddau partner a argymhellir.
Gellir hidlo adnoddau yn ôl thema ac oedran dysgu.
Gall hyd yn oed dwylo bach wneud gwahaniaeth mawr wrth gadw ein cymunedau’n daclus ac yn ddiogel!
Nid yw sbwriel yn edrych yn flêr yn unig; mae hefyd yn broblem i’n bywyd gwyllt lleol, a allai gamgymryd gwastraff am fwyd neu le i guddio. Drwy ddysgu pwysigrwydd rhoi sbwriel yn y bin a gofalu am ein Cymru hyfryd, gall ein Eco-Tots ddod yn warchodwyr y Ddaear. Gyda’n gilydd, mae ein Tîm Taclus yn dysgu bod cymuned lanach yn golygu planed hapusach ac iachach i bawb.
O’r gwiwerod prysur yn y parc lleol i’r byd cudd o dan foncyff yn yr ardd, mae Bywyd Gwyllt Bendigedig Cymru ar garreg ein drws.
Nid yw ymgysylltu â natur o oedran ifanc yn ymwneud â hwyl yn unig; mae’n ymwneud â sbarduno cysylltiad gydol oes â’n hamgylchedd.
Mae pob rhywogaeth yn chwarae rhan unigryw ym myd natur ac wrth gefnogi ein hecosystem. O beillio blodau a lledaenu hadau sy’n helpu coed a phlanhigion newydd i dyfu, i greu pridd iach drwy dorri hen ddail i lawr.
Drwy ddysgu am y gwaith anhygoel mae gwahanol bryfed ac anifeiliaid yn eu gwneud, gallwn helpu plant i ddatblygu cariad a pharch tuag atynt a’u helpu i ffynnu.
Dewch yn Geidwad Ynni a darganfyddwch yr hud anweledig sy’n sicrhau bod ein byd yn parhau i symud! I’n dysgwyr ieuengaf, mae deall ynni yn dechrau gyda chwestiwn syml: “beth sy’n gwneud iddo symud?” O’r goleuadau yn ein nenfydau i’r bysiau ar strydoedd Cymru, rydym ni’n defnyddio ynni bob dydd.
Gall gweithgareddau hwyliog a difyr ein helpu i archwilio sut rydym ni’n teithio a pham mae diffodd tap sy’n diferu yn arbed mwy na dŵr yn unig. Drwy edrych ar yr ynni rydym ni’n ei ddefnyddio, gallwn gymryd ein camau cyntaf tuag at ddeall newid hinsawdd. Gyda’n gilydd, rydym ni’n dysgu bod defnyddio ynni’n ddoeth yn helpu i gadw ein planed yn oer ac yn hapus!
Mae coed yn anhygoel! Yn ogystal â darparu pren i ni adeiladu tai, dodrefn ac eitemau eraill, maen nhw’n chwarae rhan hanfodol yn ein hamgylchedd lleol ac maen nhw hyd yn oed yn cynhyrchu’r ocsigen rydym ni’n ei anadlu.
Yn y DU, mae gennym ni fwy na 60 o rywogaethau coed brodorol, gyda phob un yn darparu cynefin hanfodol i ystod enfawr o fywyd gwyllt – o ystlumod, adar a gwiwerod i bob math o bryfed bach.
Mae Coed Campus hefyd yn wych ar gyfer archwilio ac ymchwilio iddynt, boed drwy ddringo eu canghennau nerthol neu ymchwilio i’w rhisgl anwastad, gwrando ar sŵn y dail yn y gwynt neu roi coflaid fawr iddynt. Maen nhw’n cynnig ffordd hyfryd a hwyliog o ymgysylltu â natur.
Mae pob peth bach rydym ni’n ei ddefnyddio, o’n hoff deganau plastig i’r bocs cardfwrdd y daw ein grawnfwyd ynddo, yn dechrau ei daith rhywle ar ein planed. Ac ar gyfer pob peth newydd rydym ni’n ei brynu, mae’n rhaid iddo fynd i rhywle pan fyddwn ni wedi gorffen ag ef, a gall hynny greu her fawr i’n hamgylchedd.
Yn lle’r arfer o “wneud, defnyddio a thaflu”, mae ein thema Arbed ac Ailddefnyddio yn canolbwyntio ar ddefnyddio llai ac ailddefnyddio’r hyn sydd gennym ni fel ein bod ni’n gwneud i bethau bara cyhyd â phosibl ac yn lleihau’r hyn rydym ni’n ei roi yn ein biniau, tra’n cael hwyl ar hyd y ffordd.
Mae pob antur fawr yn dechrau gyda rhywbeth bach, a does dim byd mwy hudolus na Dechrau o Hedyn. Boed yn hedyn berwr bach neu’n ffa fawr dew, mae’r pecynnau bach hyn yn llawn bywyd! Drwy roi eu dwylo yn y pridd, mae plant yn darganfod rhyfeddod sut mae hedyn sych a thawel yn troi’n blanhigyn gwyrdd deiliog.
Nid oes angen cae na rhandir mawr i dyfu ein bwyd ein hunain. Gall hyd yn oed gardd fach, plannwr, neu silff ffenestr helpu plant ifanc i weld pa mor syml ydyw. Mae deall o ble mae moronen grensiog neu domato llawn sudd yn dod yn cysylltu plant â’r ddaear ac yn gwneud bwyta’n iach yn ddarganfyddiad blasus.
Hidlwch yn ôl thema Eco-Tots a grŵp oedran i ddod o hyd i adnoddau arbennig a dolenni defnyddiol. Os ydych chi eisiau cael unrhyw un o’n hadnoddau mewn fformat gwahanol, e-bostiwch eco-tots@keepwalestidy.cymru
Mae ein Tîm Eco-Tots ymroddedig yma i helpu! Anfonwch e-bost i eco-tots@keepwalestidy.cymru.
Cysylltwch â niYmunwch â ni ar-lein am ddiweddariadau cyflym, ffyrdd o gymryd camau, a straeon sy’n gwneud gwahaniaeth.
Dilynwch ni ar y cyfryngau cymdeithasol
