Sbwriel cyffuriau

Mae sbwriel cyffuriau fel arfer yn cyfeirio at nodwyddau, chwistrellau ac eitemau miniog sydd wedi cael eu taflu. Gall hefyd gynnwys eitemau eraill y mae pobl yn eu taflu i ffwrdd o ganlyniad i gario neu gymryd cyffuriau, fel cynwysyddion ocsid nitraidd (NOx).

Mae sbwriel cyffuriau yn llai cyffredin nag eitemau’n ymwneud â bwyd a diod ond mae’n cael ei ganfod mewn ardaloedd pellennig penodol yng nghanol trefi ac mewn parciau.

0o safleoedd sbwriel cyffuriau yn ystod ein harolygon sbwriel ar draws Cymru y llynedd

Deall y broblem

Yn benodol, gall chwistrellau wedi’u taflu fod yn beryglus iawn oherwydd gallant drosglwyddo heintiau a gludir yn y gwaed fel Hepatitis B & C a HIV. Mae’r firysau yma yn gallu cael eu pasio ymlaen os oes rhywun arall yn cael ei anafu gan y nodwydd. Mae strategaethau Llywodraeth Cymru a’r DU sy’n canolbwyntio ar dargedu a hyrwyddo Gwasanaethau Cyfnewid Nodwyddau wedi lleihau lledaeniad heintiau er bod rhywfaint o risg yn parhau. Daw’r risg o anaf ddim yn unig o nodwyddau sy’n cael eu taflu yn yr amgylchedd y tu allan. Gall anafiadau hefyd ddigwydd os caiff nodwyddau rhydd eu rhoi mewn biniau sbwriel ar y stryd neu os ydyn nhw’n cael eu gadael pan gaiff cartrefi eu clirio.

Rhoi gwybod am y sbwriel cyffuriau

Os dewch chi o hyd i sbwriel sy’n ymwneud â chyffuriau mewn man cyhoeddus, peidiwch â rhoi eich hun na neb arall mewn perygl. Er mwyn sicrhau ei fod yn cael ei lanhau, rhowch wybod i’r awdurdod lleol perthnasol amdano – gallwch ddod o hyd iddo yma. Os ydych chi’n dod o hyd i’r sbwriel yn y gogledd, rhowch wybod amdano drwy’r llinell sbwriel cyffuriau neu’r rhif rhadffôn (0808 808 2276).

Os cewch chi eich anafu gan nodwydd sydd wedi ei ddefnyddio, dilynwch y cyngor hwn gan y Gwasanaeth Iechyd Gwladol.

Mynd i'r afael â'r broblem

Fel gydag unrhyw fath arall o sbwriel, mae atal y broblem yn allweddol. Mae gweithio mewn partneriaeth ag awdurdodau lleol, rhaglenni cyfnewid nodwyddau, elusennau a gwasanaethau camddefnyddio sylweddau a chynllunwyr trefi yn bwysig i’r gostyngiad strategol yn y defnydd o nodwyddau a’u gwarediad diogel.