Baw cŵn

Baw cŵn

Mae baw cŵn ar frig rhestr pryderon llawer o bobl o ran problemau ar ein strydoedd ac mewn mannau cyhoeddus eraill. Yn ogystal â’r ffaith ffaith bod baw cŵn yn cario bygiau niweidiol a all arwain at haint, asthma a hyd yn oed ddallineb, gall pob math o fwydod a bacteria fyw yn y pridd ymhell ar ôl i’r baw cŵn bydru.

Data baw cŵn

Rydym yn casglu data trwy arolygon sbwriel cadarn gan ddefnyddio GLÂN (Dadansoddi Sbwriel Geo-ofodol) – ein methodoleg blaenllaw ar gyfer monitro a dadansoddi tueddiadau sbwriel.

Mae’r ffigurau hyn yn dangos graddau baw cŵn ledled Cymru y llynedd mewn ardaloedd cyhoeddus gan gynnwys strydoedd, meysydd parcio, parciau a mannau gwyrdd, a thraethau dŵr ymdrochi dynodedig.

I weld holl ganlyniadau diweddaraf yr arolwg sbwriel, ewch i’n tudalen data sbwriel.

Data sbwriel

13.7%

o safleoedd â baw cŵn

214263

o achosion o faw cŵn wedi ei amcangyfrif

48.9%

o achosion o faw cŵn mewn bag

Ralph y daeargi yn eistedd ar gôl ei berchennog

Baw cŵn a’r gyfraith

Yn ôl y gyfraith, rhaid i berchnogion cŵn godi baw eu cŵn mewn mannau cyhoeddus. Os nad ydynt yn gwneud hynny, gallant dderbyn Hysbysiad Cosb Benodedig, sy’n rhoi cyfle iddynt i osgoi erlyniad gan y llys, trwy dalu swm o arian (yn yr achos hwn, am £75).

Mae codi baw eich ci yn hawdd, ac nid yw carthion ffres yn heintus. Er bod llawer o finiau baw cŵn o gwmpas, gellir cael gwared â baw cŵn mewn biniau sbwriel cyffredinol. Os nad oes bin gerllaw, dylid ei waredu’n gyfrifol yn ôl gartref.

Mynd i’r afael â’r mater

Yn 2025 fe wnaethom lansio ein hymgyrch ‘Gadael Olion Pawennau yn Unig’ i annog perchnogion cŵn i helpu i gadw ein mannau a rennir yn lân ac yn ddiogel. Roedd yn cynnwys deunyddiau pinc llachar wedi eu cynllunio i brocio pobl i wneud y penderfyniad iawn.

Cliciwch y ddolen i lawrlwytho ein Pecyn Cymorth Gadael Olion Pawennau yn Unig, neu ewch yn syth i’n safle Brandbag i lawrlwytho posteri a graffeg y cyfryngau Cymdeithasol #BagiwchBiniwch.

Lawrlwytho’r pecyn cymorth Ewch i Brandbag

Arweiniad ac ymchwil

Gweld y cyfan

Mae ein hymchwil yn dangos cysylltiad clir rhwng baw cŵn a statws iechyd y cŵn eu hunain. Bydd cŵn nad yw eu perchnogion yn cael gwared ar lyngyr yn rheolaidd yn gadael parasitiaid niweidiol yn eu carthion, sydd yn gallu bod yn beryglus i bobl, anifeiliaid anwes eraill, a bywyd gwyllt lleol pan fyddant yn cael eu gadael mewn mannau cyhoeddus. Mae bod yn gyfrifol pan fyddwch yn berchen ar gi – gan gynnwys cael gwared ar lyngyr yn rheolaidd a chlirio ar ôl eich ci– yn hanfodol i gadw ein cymunedau yn ddiogel.
Dr Russ Morphew Yn darllen biochemeg a pharasitoleg ym Mhrifysgol Aberystwyth