Tipio anghyfreithlon

Tipio anghyfreithlon yw gollwng gwastraff yn anghyfreithlon ar dir neu mewn dŵr. Mae’n cwmpasu popeth o sbwriel cartref a gwastraff masnachol i deiars, matresi a malurion adeiladu.

Mae hyn nid yn unig yn difetha ein mwynhad o drefi, parciau a chefn gwlad, ond gall hefyd lygru’r amgylchedd a chyflwyno peryglon difrifol i iechyd dynol a bywyd gwyllt.

Mae cymunedau sy’n cael eu heffeithio gan dipio anghyfreithlon parhaus yn aml yn dioddef effeithiau ehangach hefyd. Gall yr ardaloedd hyn ei chael hi’n anodd denu buddsoddiad, gweld prisiau tai yn gostwng, a gweld llai o bobl yno wrth i fusnesau ac ymwelwyr gadw draw.

0o safleoedd ag achosion o dipio anghyfreithlon yn ystod ein harolygon sbwriel ledled Cymru y llynedd

Tipio anghyfreithlon a’r gyfraith

Mae tipio anghyfreithlon yn cynnwys hylif yn ogystal a deunydd solet.

Mae gan ddeiliaid tai gyfrifoldeb cyfreithiol i sicrhau bod y gwastraff o’u cartrefi yn cael ei waredu’n gywir. Gall ddeiliaid tai gael Hysbysiad Tâl Cosb o £300 os byddan nhw’n rhoi eu gwastraff i rywun sydd wedyn yn mynd ymlaen i dipio’r deunydd.

Gwnewch yn siŵr bod ganddynt drwydded cario gwastraff gyda Chyfoeth Naturiol Cymru bob amser www.naturalresourceswales.gov.uk/CheckWaste

Canfyddwch a yw cludwr gwastraff yn gofrestredig

Menyw yn sefyll o flaen fflatiau gyda’i breichiau wedi’u croesi

Sut i roi gwybod am dipio anghyfreithlon

Awdurdodau lleol sy’n gyfrifol am ymdrin â’r rhan fwyaf o fathau o dipio anghyfreithlon ar raddfa fach ar dir cyhoeddus. Ond Cyfoeth Naturiol Cymru sy’n gyfrifol os yw digwyddiadau’n fawr o ran maint, yn ymwneud â throseddau trefniadol, yn cynnwys gwastraff peryglus neu â’r perygl i niweidio iechyd neu achosi difrod amgylcheddol. Cyfrifoldeb tirfeddianwyr yw delio ag unrhyw dipio anghyfreithlon ar dir preifat.

Os gwelwch chi unrhyw achosion cyhoeddus o Dipio Anghyfreithlon, rhowch wybod amdano drwy Taclo Tipio Cymru.

Os gwelwch drosedd gwastraff, gallwch ffonio’r heddlu (di-argyfwng) neu Crimestoppers ar 0800 555 111.