Mae plant o Ysgol Llandrillo yn Rhos wedi bod yn cwrdd ag aelodau’n cymuned leol a’r grŵp ‘Ffrindiau Llandrillo yn Rhos i gymryd rhan mewn digwyddiadau codi sbwriel rheolaidd ar y traeth. Dros y flwyddyn ddiwethaf, rydym wedi casglu mwy na 100kg o sbwriel ac wedi gwneud gwahaniaeth sylweddol i’r ardal leol. Yn yr ysgol, rydym wedi bod yn dysgu am ficro-blastigau a sut mae pob darn o blastig a gafodd ei waredu o’r traeth yn helpu atal miliynau o ronynnau micro-blastig rhag cyrraedd y môr.
Drwy’r prosiect hwn, rydym hefyd wedi adeiladu perthnasoedd cryf gydag aelodau’r gymuned yn Llandrillo yn Rhos.
Cysyllton ni â’r grŵp glanhau traeth lleol, Ffrindiau Llandrillo yn Rhos. Fe wnaethom hefyd gofrestru’r ysgol fel Ardal Ddi-sbwriel a threfnu sesiynau codi sbwriel rheolaidd gyda nhw. Cafodd dosbarthiadau eu gwahodd i gymryd rhan lle bo’n bosibl, felly mae pawb wedi cael cyfle i gymryd rhan.
Dewisodd ein Cyngor Eco leihau sbwriel lleol fel targed amgylcheddol yr ysgol gan eu bod wedi’i nodi fel problem weladwy a phwysig yn ein hardal.
Rydym wedi gwaredu dros 100kg o sbwriel o’r traeth lleol. Mae aelodau’r gymuned wedi sylwi ar hyn ac yn dweud yn aml pa mor lan ydy’r traeth nawr.
Rydym yn cynllunio sesiwn olaf ar y traeth eleni, a fydd yn cynnwys rhai gweithgareddau hwyl i ddathlu ein gwaith caled.
Rwy wir yn mwynhau codi sbwriel a helpu gwneud Cymru’n well Sam, Blwyddyn 4
Sam, Blwyddyn 4
Rwy’n meddwl ei fod yn bwysig i’r plant fod allan yn dysgu am eu hamgylchedd mewn ffordd ymarferol. Mae’r plant wedi dod o hyd i greaduriaid môr a chregyn sydd wedi eu hysbrydoli i ofyn a dysgu mwy. Mark Painter, Cyd-lynydd Eco-Sgolion
Mark Painter, Cyd-lynydd Eco-Sgolion
