Rydym yn falch o fod yn rhan o’r mudiad byd-eang a ysbrydolwyd gan Wobr Earthshot, menter fawreddog a lansiwyd gan Dywysog Cymru a’r Sefydliad Brenhinol yn 2020.
Wedi’i seilio ar bum “Earthshot” uchelgeisiol, mae’r Wobr yn nodi nodau beiddgar i fynd i’r afael â heriau amgylcheddol mwyaf dybryd y blaned erbyn 2030. Mae’n cydnabod ac yn gwobrwyo atebion arloesol sydd â’r pŵer i atgyweirio ac adfywio ein byd cyn iddi fod yn rhy hwyr.
Gallwch ddysgu mwy am rhai o’r arloeswyr ysbrydol a sut maen nhw’n defnyddio eu syniadau mawr i newid y byd ar wefan Earthshot.
Ar ôl blwyddyn gyntaf ysbrydoledig, mae Her Hinsawdd Cymru yn ôl ar gyfer 2026, ac rydym unwaith eto’n galw ar arloeswyr ifanc ledled Cymru i gymryd rhan!
Mewn partneriaeth â Llywodraeth Cymru ac wedi’i ysbrydoli gan Wobr Earthshot, mae’r her arloesi ysgol hon yn gwahodd dysgwyr 5–18 oed i arddangos eu creadigrwydd, eu hangerdd a’u syniadau ar gyfer planed well.
Mae’r her hon yn ymwneud â dathlu atebion sydd wedi’u creu yn barod neu’n cael eu cynllunio mewn ysgolion yn ogystal â defnyddio meddylfryd dylunio i ddod o hyd i atebion newydd i un o’r pum her fyd-eang.
Rydym yn chwilio am fideos byr, creadigol gan ddysgwyr 5 – 18 oed.
Bydd y rhai sydd wedi cyrraedd y rownd derfynol ym mhob categori yn cael eu gwahodd i seremoni wobrwyo fawreddog yn haf 2026!
Daliwch ati i ddarllen i ddarganfod sut i gymryd rhan. Y dyddiad cau yw 18.00 ddydd Gwener 10 Ebrill.
Dyma ganllaw cam wrth gam ar gyfer Her Hinsawdd Cymru:
Dewiswch ba thema y byddwch yn ffocysu eich her arni. Cliciwch ar y dolenni isod am fwy o wybodaeth:
Ar ôl i chi ddewis eich thema, gwnewch yn siŵr eich bod yn cofrestru ar gyfer y gystadleuaeth. Bydd aelod o’r tîm Eco-sgolion yn cysylltu â chi gyda chanllawiau pellach, adnoddau defnyddiol a manylion ar sut i gyflwyno eich cais.
Mae pob thema Earthshot yn ymdrin ag ystod o feysydd eraill y gallwch eu dewis i archwilio’n fanylach. Er enghraifft, gallwch ddewis archwilio pam yr ydym yn gwastraffu cymaint o fwyd fel rhan o Fyd Diwastraff, neu rôl gwymon o fewn Trwsio ein Hinsawdd.
Mae Gwefan Generation Earthshot yn lle gwych i ddechrau cael syniadau ar gyfer archwilio’r broblem a blaenoriaethu maes. Rydym hefyd wedi rhoi llawer o adnoddau o’n partneriaid Eco-Sgolion at ei gilydd i helpu gyda phob cam o’ch her.
Sut fyddwch chi’n cymryd camau gweithredu arloesol yng nghymuned eich ysgol i fynd i’r afael â’ch her ddewisol?
Gallwch naill ai adeiladu ar brosiect yr ydych wedi’i ddechrau yn barod, neu gynllunio a dechrau prosiect newydd i’w weithredu.
Cofiwch feddwl am eich effaith. Dywedwch wrthym y canlyniadau o’r hyn rydych yn ei wneud neu’n cynllunio i’w wneud. Sut y byddwch yn mesur yr effaith a rhannu eich gwaith gyda’r gymuned ysgol gyfan?
Meddyliwch yn FAWR i ddylunio ateb ychwanegol ar gyfer eich Earthshot dewisol y gellid ei ddefnyddio ledled y byd.
Byddwch mor greadigol ag y dymunwch – dim ond oherwydd nad yw wedi’i wneud o’r blaen, nid yw’n golygu na ellir ei wneud! Y llynedd, gwelsom fideos yn cynnwys gwylanod robot a digwyddiad priodas ecogyfeillgar.
Does dim rhaid i chi wneud eich dyluniad, dim ond ei gynllunio ar bapur neu’n ddigidol, neu hyd yn oed fod yn greadigol gyda model prototeip! Cofiwch fod hon yn gystadleuaeth sy’n seiliedig ar fideo.
Ar ôl i chi wneud y gwaith cefndirol ac mae’r syniadau gennych, rydych chi’n barod i ffilmio.
Rydym am i chi fod mor greadigol â phosibl; ond cofiwch gynnwys y canlynol yn eich fideo:
Dylech chi ffilmio eich fideos mewn modd tirwedd ac nid ddylai’r fideo fod yn fwy na thri munud o hyd.
Croesawir ceisiadau yn Gymraeg a Saesneg a gallem dderbyn hyd at bum cais o bob ysgol.
Bydd ceisiadau yn cael eu beirniadu gan banel allanol yn ystod mis Ebrill a bydd y rhai sy’n cyrraedd y rownd derfynol ym mhob categori yn cael eu hysbysu ym mis Mai.
Bydd y seremoni wobrwyo yn cael ei chynnal yn haf 2026 (byddwn yn talu costau teithio a bwyd ar gyfer y cystadleuwyr sy’n cyrraedd y rownd derfynol).
Bydd angen i chi ddewis un o bum thema Earthshot ar gyfer eich fideo Her Hinsawdd Cymru. Cliciwch ar y blychau i ddysgu mwy, a gwyliwch enillwyr a chystadleuwyr terfynol y llynedd i gael ysbrydoliaeth.
Rwyf wrth fy modd y bydd Her Hinsawdd Cymru yn dychwelyd yn 2026. Eleni, cawsom ein syfrdanu gan greadigrwydd a phenderfyniad pobl ifanc ledled Cymru, ac alla i ddim aros i weld sut maen nhw'n adeiladu ar y llwyddiant hwnnw. Mae'r her yn rhoi cyfle i ddysgwyr droi eu syniadau'n weithredu a rhannu eu hatebion ar lwyfan cenedlaethol. Yn Cadwch Gymru'n Daclus, trwy'r rhaglen Eco-Sgolion, rydym yn falch o chwarae rhan gefnogol fach wrth iddynt arwain y ffordd tuag at ddyfodol mwy cynaliadwy. Owen Derbyshire, Prif Weithredwr Cadwch Gymru’n Daclus
Rwyf wrth fy modd y bydd Her Hinsawdd Cymru yn dychwelyd yn 2026. Eleni, cawsom ein syfrdanu gan greadigrwydd a phenderfyniad pobl ifanc ledled Cymru, ac alla i ddim aros i weld sut maen nhw'n adeiladu ar y llwyddiant hwnnw. Mae'r her yn rhoi cyfle i ddysgwyr droi eu syniadau'n weithredu a rhannu eu hatebion ar lwyfan cenedlaethol. Yn Cadwch Gymru'n Daclus, trwy'r rhaglen Eco-Sgolion, rydym yn falch o chwarae rhan gefnogol fach wrth iddynt arwain y ffordd tuag at ddyfodol mwy cynaliadwy.
Owen Derbyshire, Prif Weithredwr Cadwch Gymru’n Daclus
Mae Her Hinsawdd Cymru wedi bod yn brofiad hollol anghofiadwy. Roedd y gwaith caled (a'r hwyl) a arweiniodd at y gystadleuaeth yn anhygoel. Roedd y digwyddiad yn ysbrydoledig iawn. Roeddwn i'n ei chael hi'n ddiddorol gweld syniadau newydd a chwrdd â phobl o'r un anian sy'n gofalu am ein hamgylchedd. Fleur Jones, disgybl Blwyddyn 9 yn Ysgol Uwchradd Gwernyfed, Enillydd Adfywio Ein Cefnforoedd
Mae Her Hinsawdd Cymru wedi bod yn brofiad hollol anghofiadwy. Roedd y gwaith caled (a'r hwyl) a arweiniodd at y gystadleuaeth yn anhygoel. Roedd y digwyddiad yn ysbrydoledig iawn. Roeddwn i'n ei chael hi'n ddiddorol gweld syniadau newydd a chwrdd â phobl o'r un anian sy'n gofalu am ein hamgylchedd.
Fleur Jones, disgybl Blwyddyn 9 yn Ysgol Uwchradd Gwernyfed, Enillydd Adfywio Ein Cefnforoedd
Cafodd ein prosiect ei ysbrydoli gan y materion a godwyd yn ein Cynhadledd Hinsawdd flynyddol COP (Cynhadledd Pennar), felly mae’r gwaith wedi cael ei arwain yn wirioneddol gan y dysgwyr. Mae pob disgybl ac aelod o staff wedi bod yn rhan ohono, ac mae’n parhau yn yr ysgol. Rydym wrth ein bodd bod eu gwaith caled a’u hymroddiad wedi cael eu cydnabod yng ngwobrau Her Hinsawdd Cymru. Mae wedi bod yn ysbrydoledig iawn gweld yr holl waith gwych sy’n digwydd mewn ysgolion ledled Cymru ac mae wedi rhoi llawer o syniadau inni ar gyfer yr hyn yr hoffem ganolbwyntio arno y flwyddyn nesaf. Sian Taylor, Arweinydd Eco-Sgolion yn Ysgol Gymunedol Pennar, Enillydd Adeiladu Byd Diwastraff
Cafodd ein prosiect ei ysbrydoli gan y materion a godwyd yn ein Cynhadledd Hinsawdd flynyddol COP (Cynhadledd Pennar), felly mae’r gwaith wedi cael ei arwain yn wirioneddol gan y dysgwyr. Mae pob disgybl ac aelod o staff wedi bod yn rhan ohono, ac mae’n parhau yn yr ysgol. Rydym wrth ein bodd bod eu gwaith caled a’u hymroddiad wedi cael eu cydnabod yng ngwobrau Her Hinsawdd Cymru. Mae wedi bod yn ysbrydoledig iawn gweld yr holl waith gwych sy’n digwydd mewn ysgolion ledled Cymru ac mae wedi rhoi llawer o syniadau inni ar gyfer yr hyn yr hoffem ganolbwyntio arno y flwyddyn nesaf.
Sian Taylor, Arweinydd Eco-Sgolion yn Ysgol Gymunedol Pennar, Enillydd Adeiladu Byd Diwastraff
Rydym yn hynod falch o’r hyn rydym wedi’i gyflawni gyda’n prosiect STOPIO, EDRYCH, GEN!. Mae wedi fy ngalluogi i a’n tîm eco i gyfleu’r neges am bwysigrwydd newid hinsawdd. Mae wedi bod mor ddiddorol dysgu am bwysigrwydd cennau fel biodangosyddion. Rwy’n mwynhau dysgu eraill amdano yn fawr iawn. Zach Jones, disgybl Blwyddyn 6 ac un o Lysgenhadon Gwych Ynysddu, Enillydd Glanhau Ein Haer
Rydym yn hynod falch o’r hyn rydym wedi’i gyflawni gyda’n prosiect STOPIO, EDRYCH, GEN!. Mae wedi fy ngalluogi i a’n tîm eco i gyfleu’r neges am bwysigrwydd newid hinsawdd. Mae wedi bod mor ddiddorol dysgu am bwysigrwydd cennau fel biodangosyddion. Rwy’n mwynhau dysgu eraill amdano yn fawr iawn.
Zach Jones, disgybl Blwyddyn 6 ac un o Lysgenhadon Gwych Ynysddu, Enillydd Glanhau Ein Haer
Mae ein Eco-Tasglu wedi gweithio’n galed i wneud gwahaniaeth yn lleol ac yn fyd-eang. Dangosodd gweithio gyda’r myfyrwyr yn yr Emiraethau Arabaidd Unedig i’n disgyblion fod gennym bryderon, syniadau a nodau cyffredin. Roedd yn hyfryd gweld y syniadau a’r gwaith tîm yn adeiladu ac yn ffynnu tuag at ganlyniad mor gadarnhaol. Nicholas Brown, Athro Ysgol Clywedog, Enillydd Adfywio ac Adfer Natur
Mae ein Eco-Tasglu wedi gweithio’n galed i wneud gwahaniaeth yn lleol ac yn fyd-eang. Dangosodd gweithio gyda’r myfyrwyr yn yr Emiraethau Arabaidd Unedig i’n disgyblion fod gennym bryderon, syniadau a nodau cyffredin. Roedd yn hyfryd gweld y syniadau a’r gwaith tîm yn adeiladu ac yn ffynnu tuag at ganlyniad mor gadarnhaol.
Nicholas Brown, Athro Ysgol Clywedog, Enillydd Adfywio ac Adfer Natur
