Rhoi atal, gweithredu cymunedol a’r economi gylchol wrth wraidd cymunedau cryfach yng Nghymru
Wrth edrych ymlaen at etholiad y Senedd yn 2026, rydym yn galw ar bob plaid i ymrwymo i sicrhau bod gan bob cymuned yng Nghymru fannau cyhoeddus glân, gwyrdd a chroesawgar i bawb eu mwynhau.
Drwy ymrwymo i genhadaeth genedlaethol am Gymru heb lygredd erbyn 2030, gall y Llywodraeth nesaf greu gwelliannau gweledol a pharhaol i’r llefydd lle mae pobl yn byw, gweithio a chwarae, gan feithrin newid ymddygiad hirdymor sy’n dod â budd i bobl, y blaned a’n lleoedd.
Lawrlwythwch gopi o’n maniffesto yma.
Wedi eu datblygu ar y cyd gyda rhwydwaith cenedlaethol o grwpiau gwirfoddol lleol a Bwrdd Ieuenctid Cadwch Gymru’n Daclus, bydd y cynigion hyn yn helpu i gyflawni nodau hinsawdd, glendid a chymunedol Cymru.
Maent wedi cael eu profi i fod yn effeithiol, cyflwyno gwerth cryf am arian, cynnig gwelliannau gwirioneddol i bobl ar drothwy’r drws, ac, yn dyngedfennol, yn barod i ddatblygu’n genedlaethol yn gyflym.
Yn unol â’r pedwar maes yn ein strategaeth Cymru Hardd, rydym yn galw am y canlynol:
Er mwyn ein galluogi ni i barhau i gyflawni’r effaith gymunedol gadarnhaol yr ydym yn ei gosod yn Adroddiadau Effaith blynyddol Cadwch Gymru’n Daclus, mae’n bwysig i’r Senedd nesaf fynd i’r afael â’r heriau sy’n sefyll rhyngom ni a dyfodol glanach, gwyrddach, sy’n cynnwys:
Mae Cadwch Gymru’n Daclus yn arwain ymdrechion cenedlaethol i fynd i’r afael â sbwriel, adfer mannau gwyrdd, a chefnogi gweithredu sy’n cael ei arwain gan wirfoddolwyr sy’n gwella cymunedau Cymru. I gefnogi’r gwaith hwn, rydym yn galw ar Lywodraeth nesaf Cymru i:
Ar draws Cymru, rydym yn gosod y safon ar gyfer rhagoriaeth mewn parciau, ar draethau ac mewn twristiaeth gynaliadwy – gan hyrwyddo adferiad economaidd, rhagoriaeth amgylcheddol a balchder cenedlaethol. I gefnogi’r gwaith hwn, rydym yn galw ar Lywodraeth nesaf Cymru i:
Trwy ein rhaglenni natur, mae Cadwch Gymru’n Daclus yn trawsnewid mannau segur yn gynefinoedd cymunedol sydd yn ffynnu, gan gefnogi adferiad natur, lles a mynediad cynhwysol lle mae ei angen fwyaf. I gefnogi’r gwaith hwn, rydym yn galw ar Lywodraeth nesaf Cymru i:
Trwy ein gweithgareddau ymgysylltu ieuenctid, rydym yn paratoi pobl ifanc i arwain gweithredu ar yr hinsawdd a natur yn eu hysgolion a’u cymunedau. I gefnogi’r gwaith hwn, rydym yn galw ar Lywodraeth nesaf Cymru i:
Ar adeg o newid gwleidyddol, cyllidebau caeth a chraffu cyhoeddus cynyddol, mae Cadwch Gymru’n Daclus yn bartner dibynadwy, wedi ei brofi sydd yn barod i gyflawni ar gyfer Llywodraeth nesaf Cymru.
Rydym yn deall realaeth cyfyngiadau cyllidebau, blaenoriaethau newidiol pleidleiswyr a’r angen am ganlyniadau gweladwy, mesuradwy gan Senedd fwy. Ond, rydym hefyd yn gweld y cyfle: i arwain trawsnewid gwyrdd sydd yn gwella bywyd bob dydd, yn cryfhau cymunedau ac yn cefnogi adnewyddu ecnomaidd ym mhob etholaeth yng Nghymru.
“Mae Cymru lanach, wyrddach, fwy cydnerth o fewn cyrraedd. Mae’r gofynion yn y Maniffesto hwn wedi eu profi ac mae’r dymuniad am newid yn amlwg yn ein cymunedau. Rydym nawr angen i Lywodraeth nesaf Cymru sbarduno’r newidiadau systemig fydd yn cyflawni dyfodol gwell i bawb.”
Owen Derbyshire, Prif Weithredwr Cadwch Gymru’n Daclus
Os hoffech gopi pdf o’n maniffesto, gallwch ei lawr lwytho yma.
Os hoffech wybod mwy am ein maniffesto cysylltwch gyda’n Rheolwraig Polisi jemma.bere@keepwalestidy.cymru
Rydyn ni’n rhoi wyneb newydd ar wefan Cadwch Gymru’n Daclus ac yn awyddus i glywed eich barn. Dim ond 3–4 munud mae’r arolwg yn ei gymryd, ac fe wnaiff eich adborth wirioneddol wneud gwahaniaeth.
