Mae’n bleser gennym gyhoeddi ein bod wedi cael achrediad Arian Sefydliad Carbon Literate gan y Carbon Literacy Project sy’n cael ei gydnabod gan y CU.

Mae’r achrediad clodfawr hwn yn cydnabod y camau ystyrlon rydym wedi eu cymryd i leihau ein hallyriadau carbon, ymdrechion rhagweithiol ein staff, a’r gwaith rydym wedi bod yn ei gyflawni mewn cymunedau ers blynyddoedd lawer.

Mae Sefydliad Carbon Literate yn sefydliad sydd wedi cael achrediad gan y Carbon Literacy Project fel un sydd yn “Garbon-wybodus yn ddiwylliannol”; gyda chyfran sylweddol o’i weithlu yn Garbon-wybodus ac yn dangos ei Lythrennedd Carbon trwy ei ymddygiad sefydliadol.

Beth ydym wedi ei gyflawni hyd yn hyn?

Mae cynaliadwyedd yn cael ei sefydlu ym mhopeth rydym yn ei wneud yn Cadwch Gymru’n Daclus.

O ddefnyddio gliniaduron wedi’u gweddnewid a blaenoriaethu cyfarfodydd rhithiol, i ddewis cyflenwyr lleol lle y bo’n bosibl, mae gweithredoedd cynaliadwy yn digwydd yma bob dydd.

Mae yna hefyd rai cyflawniadau sy’n sefyll allan o’r ddwy flynedd diwethaf:

• Rydym wedi datblygu tri chwrs Llythrennedd Carbon achrededig, pwrpasol.
• Mae 46% o’r staff wedi gwneud hyfforddiant Llythrennedd Carbon, gan roi’r wybodaeth a’r offer iddynt weithio ar y cyd i leihau ein hallyriadau carbon sefydliadol ar y cyd.
• Rydym wedi hyfforddi 91 o addysgwyr yng Nghymru gyda sesiynau’n cael eu darparu yn Gymraeg a Saesneg.
• Rydym wedi hyfforddi 30 o ddysgwyr trwy ein cwrs Sgyrsiau Hinsawdd.
• Rydym wedi gwella buddion staff i gynnwys Buddion Hinsawdd a’r cynllun llogi cerbydau trydan.

Wrth gwrs, mae bob amser mwy y gallwn ei wneud i wneud gwahaniaeth.

Rydym eisiau cyflwyno mwy o hyfforddiant dwyieithog i addysgwyr, myfyrwyr a chymunedau yng Nghymru.

Byddwn hefyd yn parhau i fuddsoddi mewn hyfforddiant staff ac yn archwilio ffyrdd arloesol o leihau ein ôl troed carbon ymhellach.

I ddarganfod mwy am ein taith cynaliadwyedd a Hyfforddiant Llythrennedd Carbon, cysylltwch â net.zero@keepwalestidy.cymru